چودھری شجاعت سے احترام کا جو رشتہ ہے وہ مرتے دم تک رہے گا ،پرویز الہی

گجرات: اسپیکر پنجاب اسمبلی چودھری پرویز الہیٰ نے کہا ہے کہ چودھری شجاعت سے احترام کا جو رشتہ ہے وہ مرتے دم تک رہے گا-

باغی ٹی وی : اسپیکر پنجاب اسمبلی چودھری پرویز الہٰی نے عید کے موقع پر پیغام میں کہا کہ آج کا دن ہمیں قربانی کا درس دیتا ہے ایسے لوگوں کو جو قربانی نہیں کر سکتے پر بھی شفقت کا ہاتھ رکھنا چاہیے-

انہوں نے کہا کہ اپنی مسلح افواج اور اس کے سپہ سالار کو بھی اپنی خوشی میں یاد رکھنا چاہیے اور شہدا کے لواحقین کے پاس جا کر ان کی دل جوئی کرنی چاہیے۔ شہدا کے لواحقین کے دل جیتنے چاہئیں کیونکہ یہ ملک کا اثاثہ ہیں۔

چودھری پرویز الہٰی نے کہا کہ پنجاب کے عوام ضمنی انتخابات میں موجودہ نالائق حکومت کو سبق سکھائیں گے اور حکمرانوں نے ناصرف مہنگائی کا طوفان دیا بلکہ لوگوں سے نوالہ بھی چھین لیا۔ انہیں ایسی عبرت ناک شکست ہو گی کہ ان کی سیاست کے ساتھ ان کا نام بھی مٹ جائے گا۔

وزیر اعلی ٰپنجاب حمزہ شہباز کا ایس او ایس ویلج کا دورہ، بچوں اورسٹاف کو عیدی بھی دی

انہوں نے کہا کہ لوٹوں کی ایسی بربادی ہو گی کہ اب کوئی پارٹی بدلنے کا سوچے گا بھی نہیں اور پنجاب کے عوام ووٹوں کے ذریعے شریفوں کو تاریخ سے بھی ختم کریں گے۔

اسپیکر پنجاب اسمبلی نے کہا کہ چودھری شجاعت سے احترام کا جو رشتہ ہے وہ مرتے دم تک رہے گا اور ہمارے درمیان افواہیں پھیلانے والے ناکام و نامراد رہیں گے۔ ہمیشہ چودھری شجاعت حسین کے لیے دعاگو ہوں۔

عمران خان نے ملک کی عزت پوری دنیا میں تباہ کر کے رکھ دی،وزیر اعلیٰ سندھ