‏چئیرمین سینیٹ کے خلاف بھی تحریک عدم اعتماد تیار

پاکستان میں تحریک عدم اعتماد کا موسم آ گیا، وزیراعظم ۔وزیراعلی پنجاب کے بعد اپوزیشن نے چیئرمین سینیٹ صادق سنجرانی کے خلاف بھی تحریک عدم اعتماد لانے کا فیصلہ کر لیا ۔

باغی ٹی وی کی رپورٹ کے مطابق سینیٹ میں تحریک عدم اعتماد کامیاب ہونے کی صورت میں سینیٹ میں قائد حزب اختلاف سید یوسف رضا گیلانی چیئرمین سینیٹ بنیں گے ۔اپوزیشن اتحاد نے چیئرمین سینیٹ کے خلاف تحریک عدم اعتماد لانے کے لیے پیپر ورک شروع کر دیا ہے جلد ہی تحریک عدم اعتماد سینیٹ میں جمع کروائے جانے کا امکان ہے-

تحریک عدم اعتماد: شہباز شریف کی بلوچستان عوامی پارٹی کو بھرپور اعتماد اور تعاون کی یقین دہانی

چیئرمین سینٹ صادق سنجرانی کے خلاف اپوزیشن ماضی میں بھی دو بار تحریک عدم اعتماد لا چکی جو ناکام ہوئی ۔صادق سنجرانی واحد چیئرمین سینیٹ ہیں جن کے خلاف تیسری بار تحریک عدم اعتماد لائی جائے گی سینیٹ میں تحریک عدم اعتماد کامیاب ہو گی یا ناکام اس کا وقت آنے پر پتہ چلے گا تاہم اپوزیشن اس وقت حکومت کے خلاف بھرپور سرگرم عمل ہے۔

آصف زرداری نےشہباز شریف کووزیر اعظم بنانےکی تصدیق کر دی

قومی اسمبلی میں آج وزیراعظم کے خلاف تحریک عدم اعتماد جمع کروا دی گئی ہے پنجاب کے وزیراعلی کے خلاف تحریک عدم اعتماد جمع ہونے کے بعد عثمان بزدار نے استعفی دے دیا ہے جبکہ پی ٹی آئی نے اتحادی جماعت ہے رہنما چودھری پرویز الٰہی کو وزیر اعلی کا امیدوار نامزد کیا ہے ۔ تحریک انصاف ترین گروپ کا بھی مطالبہ تھا کہ بزدار کو ہٹایا جائے ۔

جب "باپ” ساتھ چھوڑ جائے گا تو پھر بچوں کی کیا جرات کہ وہ ساتھ رہیں

واضح رہے کہ اپوزیشن جماعتیں اسلام آباد میں سرگرم عمل ہیں مولانا فضل الرحمان آصف زرداری شہباز شریف بلاول پچھلے ایک ہفتے سے زاید عرصے سے اسلام آباد میں ہیں اور حکومت گرانے کی سرتوڑ کوشش کر رہی ہے۔ آنے والے دنوں میں واضح ہو جایے گا کہ اپوزیشن کو کامیابی ملتی ہے یا حکومت کو ۔ اپریل کے پہلے ہفتے میں سیاسی موسم صاف ہو جائے گا

شوبز شخصیات تحریک عدم اعتماد میں عمران خان کی کامیابی کیلئے دعا گو