شوبز شخصیات تحریک عدم اعتماد میں عمران خان کی کامیابی کیلئے دعا گو

کراچی: پاکستانی اداکار قومی اسمبلی میں تحریک عدم اعتماد میں وزیراعظم عمران خان کی کامیابی کیلئے دعائیں کرنے لگے-

باغی ٹی وی : اپوزیشن نے قومی اسمبلی میں وزیراعظم عمران خان کےلیے تحریک اعتماد پیش کی ہے حکومت اور اپوزیشن دونوں عوامی قوت کا مظاہرہ کرتے ہوئے پاور شو کررہے ہیں گزشتہ روز حکومت نے اسلام آباد میں ایک بڑا جلسہ کیا اور عمران خان عوام سے حمایت کی اپیل کررہے ہیں۔

This is not about one person, this is about Pakistan. May Allah (SWT) bless our Prime Minister Imran Khan with success. Ameen @ImranKhanPTI #IamImranKhan

— Saba Qamar (@s_qamarzaman) March 27, 2022

ایسے میں شوبز ستارے بھی وزیراعظم کی حمایت میں میدان میں آگئے اداکارہ صبا قمر نے ٹوئٹر پر کہا کہ محض یہ ایک شخص کا نہیں بلکہ ملک کا معاملہ ہے اداکارہ نے دعا کی کہ اللہ تعالی وزیراعظم عمران خان کو کامیابی عطا کرے آمین۔

Those busy playing dirty politics, have they fathomed the burden a new election or a new leader will put on state exchequer? IK is a mass leader. People’s love for him is proof. For the sake of Pakistan, let the man complete his term before writing him off.🙏🏽

— Adnan Siddiqui (@adnanactor) March 28, 2022

اداکار عدنان صدیقی نے بھی اپنے ٹوئٹ میں اپوزیشن جماعتوں کو مخاطب کرتے ہوئے کہا کہ انہیں اندازہ بھی ہے ایک مستحکم حکومت کو گرانے سے عوام کے لیے کیا مضمرات ہوں گے گندی سیاست میں مصروف لوگوں کو کچھ اندازہ بھی ہے کہ کیا ملک نئے انتخابات کا متحمل ہوسکتا ہے لوگوں کی محبت اس بات کا ثبوت ہے کہ عمران خان عوامی رہنما ہے پاکستان کی خاطر عمران خان کو ہٹانے کی بجائے مدت پوری کرنے دی جائے۔

Imran Khan. 🇵🇰🤲🏼

— Mahira Khan (@TheMahiraKhan) March 28, 2022

اداکارہ ماہرہ خان نے بھی عمران خان لکھ کر قومی پرچم اور دعا کا ایموجی ٹوئٹ کرایا۔

دوسری جانب سینیئر اداکارہ حنا خواجہ بیات نے مریم نواز کو ان کے بیان پر آڑے ہاتھوں لے لیا جس میں مسلم لیگ (ن) کی نائب صدر نے کہا تھا کہ پاکستان کا جہاز کسی وقت بھی ’پرانے پاکستان‘ میں اتر سکتا ہے۔

حنا خواجہ بیات نے انسٹاگرام پر مختصر ویڈیو جاری کرتے ہوئے مریم نواز کے بیان پر اپنا رد عمل دیا اور دعا مانگی کہ خدا نہ کرے کہ پاکستان کا جہاز کبھی اس پرانے پاکستان میں اترے، جسے مریم نواز اور ان کی اتحادی پارٹیوں نے تباہ کیا۔

مریم نواز آپ کے منہ میں خاک، اللہ نہ کرے پاکستان کا طیارہ کبھی اس پرانے پاکستان میں اترے جو آپ اور آپکے اتحادیوں نے اس ملک کو بنا دیا تھا۔ حنا خواجہ بیات #امربالمعروف
pic.twitter.com/vUsKd7hq31

— PTI (@PTIofficial) March 26, 2022

حنا خواجہ بیات نے اپنے مختصر ویڈیو میں کہا کہ انہوں نے آج تک کبھی کسی کے بارے میں کوئی سخت الفاظ استعمال نہیں کیے مگر انہیں مریم نواز نے مجبور کردیا کہ وہ ایسے جملے استعمال کریں۔

اداکارہ نے مریم نواز کو مخاطب ہوتے ہوئے کہا کہ آپ کے بیان پر ’آپ کے منہ میں خاک‘

حنا خواجہ بیات نے مریم نواز کو مخاطب ہوتے ہوئے مزید کہا کہ خدا نہ کرے کہ بقول آپ کے کہ پاکستان کا جہاز اس پرانے پاکستان میں اترے، جسے آپ نے اور آپ کی اتحادیوں نے بنایا تھا۔

سینیئر اداکارہ نے دعا مانگی کی خدا ہمارے پاکستان کی حفاظت کرے، ملک کے اندر اور باہر بیٹھے دشمنوں سے اور پاک فوج کی بھی حفاظت کرے۔

حنا خواجہ بیات نے محب وطن سیاستدانوں اور لیڈروں کی حفاظت کی بھی دعا مانگی اور کہا کہ ایسی دعا ہر محب وطن پاکستانی مانگ رہا ہے تاہم انہوں نے اپنی ویڈیو میں کسی محب وطن پاکستانی سیاستدان کا نام نہیں لیا، تاہم انہوں نے مریم نواز کا نام لے کر ان پر تنقید کی۔

حنا خواجہ بیات کی ویڈیو کو بعد ازاں پاکستان تحریک انصاف (پی ٹی آئی) کے سوشل میڈیا اکاؤنٹس پر بھی شیئر کیا گیاجب کہ دیگر افراد نے بھی ان کی ویڈیو کو شیئر کیا۔

پاکستان کا جہاز کسی بھی وقت پرانے پاکستان میں لینڈ کرسکتا ہے، مریم نواز@MaryamNSharif #GeoNews pic.twitter.com/WCISLZwCBx

— Geo News Urdu (@geonews_urdu) March 25, 2022

واضح رہے کہ قومی اسمبلی میں قائد حزب اختلاف شہباز شریف نے وزیراعظم عمران خان کے خلاف تحریک عدم اعتماد پیش کردی جہاں اپوزیشن کے 161 اراکین نے تحریک کی حمایت کی ڈپٹی اسپیکر قاسم سوری کی زیر صدارت اسمبلی اجلاس شروع ہوا۔

قومی اسمبلی میں قائد حزب اختلاف شہباز شریف نے تحریک پیش کرتے کہا کہ میں وزیراعظم کے خلاف تحریک عدم اعتماد پیش کر رہا ہوں شہباز شریف کی جانب سے تحریک عدم اعتماد پیش کرنے کے بعد اراکین کی گنتی کی گئی جہاں حکومتی اتحادی اور پاکستان تحریک انصاف (پی ٹی آئی) کے منحرف اراکین ایوان میں موجود نہیں قومی اسمبلی میں تحریک عدم اعتماد بحث کے لیے اپوزیشن کے 161 اراکین کی حمایت پر منظور کرلی گئی۔

ڈپٹی اسپیکر قاسم سوری نے قومی اسمبلی کا اجلاس 31 مارچ (جمعرات) تک ملتوی کردی۔