عمران خان دل کےصاف،محب وطن:آصف زرداری زیرک سیاستدان اورنوازشریف کےتوکیاکہنے:چوہدری نثار

راولپنڈی:عمران خان دل کےصاف اورمحب وطن،آصف زرداری سمجھدارسیاستدان اورنوازشریف کےتوکیاکہنے:نوازشریف پرنثارہونے والے چوہدری نثار کی کھری کھری باتیں’ان کا کہنا تھا کہ عمران خان کے بارے میں خیالات اچھے ہیں، کس پلیٹ فارم سے سیاست کرونگا فیصلہ نہیں کیا‘

سابق وزیر داخلہ چوہدری نثار نے کہا ہے کہ سابق صدر آصف علی زرداری سے سیاسی ان بن رہی لیکن وہ اچھے انسان اور زیرک سیاستدان ہیں۔چوہدری نثار کا کہنا تھاکہ پیپلزپارٹی اپنے سیاسی کارڈ بہتر طریقے سے کھیل رہی ہے۔

وزیراعظم کے حوالے سے سابق وزیر داخلہ کا کہنا تھاکہ عمران خان نیک نیت اور اچھے لیڈر ہیں مگر حکمران بننے کے بعد اقدامات بھی کرنے پڑتے ہیں جو نظر نہیں آرہے۔

نوازشریف پرنثارہونے والے سابق وزیرداخلہ چوہدری نثآر کا کہنا تھاکہ عمران خان کا میرے ساتھ رویہ ہمیشہ اچھا رہاہے، ان کے بارے میں میرے خیالات اچھے ہیں۔

ایک سوال پر چوہدری نثار کا کہنا تھاکہ نواز شریف کے بارے میں بہت کچھ کہہ سکتا ہوں مگر اس وقت نہیں کہوں گا۔

مستقبل میں سیاست سے متعلق سوال پر ان کا کہنا تھاکہ آئندہ سیاست کس پلیٹ فارم سے کروں گا، ابھی فیصلہ نہیں کیا۔

تہلکہ خیزانکشافات کرتےہوئے چوہدری نثار علی خان کا کہنا تھا کہ میرے استعفے کی وجہ عمران خان تھے، عمران خان اور طاہر القادری کے دھرنوں کے خلاف رینجرز ، ایف سی اور پولیس کو کارروائی کا حکم دے دیا تھا، میں نہیں چاہتا تھا کہ عمران خان اور طاہر القادری آبپارہ سے ایک انچ آگے آئیں۔

چوہدری نثار کے مطابق اُس وقت کے وزیر اعظم نواز شریف نے میری مرضی کے خلاف دھرنے والوں کو ریڈ زون آنے کی اجازت دی جس پر استعفیٰ دے دیا۔

خیال رہے کہ استعفے کے بعد سے چوہدری نثار نے ن لیگ سے دوری اختیار کرلی تھی اور 2018 کے عام انتخابات میں بھی انہوں نے آزاد امیدوار کی حیثیت سے حصہ لیا تھا۔