لاہور:گُڈّ ورکنگ ریلیشن شپ:وزیراعلیٰ عثمان بزدار،چوہدری پرویزالٰہی کی اہم ملاقات بجٹ منظوری پراظہاراطمنان ،اطلاعات کے مطابق وزیر اعلی پنجاب سردار عثمان بزدار اور اسپیکر چوہدری پرویز الہی کے درمیان اہم ملاقات ہوئی ہے
ذرائع کے مطابق اس اہم ملاقات میں وزیر قانون راجہ بشارت۔ پرنسپل سیکرٹری ٹو سی ایم طاہر خورشید اور سیکرٹری اسمبلی محمد خان بھٹی بھی شریک ہوئے
ان رہنماوں کے درمیان ہونے والی ملاقات میں آئندہ مالی سال کے بجٹ کی منظوری کا عمل مکمل ہونے پر اظہار اطمینان کیا اورپھر وزیر اعلی نے ایوان احسن انداز سے چلانے پر اسپیکر چوہدری پرویز الہی کے کردار کی تعریف کی
وزیراعلیٰ پنجاب عثمان بزدار نے اسپیکرپنجاب اسمبلی چوہدری پرویز الہیٰ کوخراج تحسین پیش کرتے ہوئے کہا کہ اپ نے ایوان کو پارلیمانی روایات کے مطابق احسن انداز سے چلایا۔
چوہدری پرویز الہی کا شکریہ ادا کرتے ہوئے عثمان بزدار نے کہا کہ میں نے مناسب سمجھا کہ اپ کے چیمبر آکر اپ کا شکریہ ادا کروں،بجٹ کی منظوری میں پارٹی ارکان اور اتحادیوں کا تعاون مثالی رہا۔ وزیر اعلی نے کہا کہ عوام دوست بجٹ پیش کیا منظوری میں ارکان نے بھر پور دلچسپی لی
اس موقع پر وزیراعلیٰ عثمان بزدار نے کہا کہ پنجاب ترقی کی شاہراہ پر گامزن ہو چکا ہےماضی کی حکومت مسائل دیکر گئی ہم صوبے کو خوشحالی کی طرف لیکر جارہے ہیں
اس موقع پراسپیکرپنجاب اسمبلی چوہدری پرویزالٰہی نے کہا کہ اسمبلی کا ایوان عوام کی امیدوں کا مرکز ہے،منتخب نمائندے عوامی مسائل کو فوکس کرکے حلقے کے عوام کے سامنے سرخرو ہو سکتے ہیں،تمام ارکان کے تعاون کے باعث ایوان احسن انداز سے چلانے مین کامیاب رہا
