عوامی جمہوریہ چین کے سفیر عزت مآب جناب نونگ رونگ نے آج سربراہ پاک فضائیہ، ائیر چیف مارشل ظہیر احمد بابر سدھو، سے ان کے دفتر میں ملاقات کی ہے
ترجمان پاک فضائیہ کے مطابق ملاقات کے دوران باہمی دلچسپی کے کئی اہم شعبوں اور علاقائی پیش رفت پر تبادلہ خیال کیا گیا۔ سربراہ پاک فضائیہ نے پاک فضائیہ کو فضائی، خلائی اور سائبر اسپیس کے شعبوں میں عصر حاضرکی جنگی آپریشنل صلاحیتوں کے حصول کے لیے جدید خطوط پر استوار کرنے کے منصوبوں کا زکر کیا۔ائیر چیف مارشل ظہیر احمد بابر سدھو کا کہنا تھا کہ دونوں ممالک کے درمیان بے مثال سٹریٹیجک شراکت داری قائم ہے۔ ائیر چیف نے پاک فضائیہ اور پیپلزلیبریشن آرمی ائیر فورس کے مابین موجود دوطرفہ عسکری اور تربیتی شعبے میں تعاون کو مزید بڑھانے کے عزم کا اعادہ کیا۔
ترجمان پاک فضائیہ کے مطابق پاکستان چین کے ساتھ اپنے مضبوط سفارتی، اقتصادی اور دفاعی تعلقات اور آزمائش کی ہر گھڑی میں غیر متزلزل اور بے مثال دوستی کو قدر کی نگاہ سے دیکھتا ہے۔ دونوں ممالک کے درمیان قائم تعلقات علاقائی امن، سلامتی اور استحکام سے متعلق تمام اہم امور پر ہم آہنگی پر مبنی ہیں۔
چینی سفیر نونگ رونگ کا کہنا تھا کہ پاک فضائیہ کے اہلکاروں کی پیشہ ورانہ مہارت اور گزشتہ برسوں کے دوران پاک فضائیہ کی جانب سے خاص طور پر خود انحصاری کے میدان میں کی گئی غیر معمولی پیش رفت قابلِ تعریف ہے۔ نونگ رونگ نے علاقائی امن کے فروغ میں پاکستان کی کوششوں کو سراہا. دونوں شخصیات نے ابھرتی ہوئی ٹیکنالوجی اور عسکری صنعت سمیت مختلف شعبوں میں مزید تعاون بڑھانے پر زور دیا۔ جناب نونگ رونگ نے ائیر چیف سے گفتگو کے دوران پاکستان میں سیلاب سے ہونے والے جانی نقصان اور تباہی پر پاکستانی عوام سے دلی تعزیت بھی کی۔
فوج کو سیاست میں نہ گھسیٹا جائے ، دعا ہے علی سد پارہ خیریت سے ہو،ترجمان پاک فوج
رسک لینے والا ہمیشہ کامیاب ہوتا ہے،وزیراعظم عمران خان کا ڈی جی آئی ایس پی آر کو خراج تحسین
بھارت کے پاکستان کے خلاف مذموم منصوبے، شاہ محمود قریشی نے مودی سرکار کو کیا بے نقاب
لندن کا جوکربھارتی ایجنٹ،پاکستان میں دہشت گردی میں ملوث،ثبوت سامنے آ گئے
تین سال میں سی پیک کومکمل بند کرکے بیڑا غرق کردیا گیا .چینی سفیرکا شکوہ،تہلکہ خیز انکشافات
