+9251
احمد بلال محبوب کا کہنا ہے کہ آج وزیرداخلہ نے انکشاف کیا ہے کہ 2 محترم وکلا سپریم کورٹ کے چیف جسٹس سے ان کے چیمبر میں ملے ہیں اور اس کے شواہد بھی موجود ہیں جبکہ لارجربینچ کے حوالے سے بھی مشاورت کی گئی، یہ تمام باتیں تشویش کا باعث ہیں۔جبکہ احمد بلال محبوب نے کہا کہ اگر عدالت نے سویلین کا آرمی کورٹ میں ٹرائل کا کیس اتنی جلدی مقرر کرنا تھا تو اسے اپنے سینئر ججز سے مشاورت کرنی چاہئے تھی، لیکن درخواست گزار وکلا سے چیف جسٹس کا ملنا حیران کن ہے، ہوسکتا ہے کہ اس پر کوئی صفائی پیش کی جائے، حکومت کے شکوک اپنی جگہ مسلمہ ہیں۔
پاکستان انسٹی ٹیوٹ آف لیجسلیٹو ڈویلپمنٹ اینڈ ٹرانسپیرنسی (پلڈاٹ) کے سربراہ احمد بلال محبوب کا کہنا تھا کہ ماضی میں کچھ سویلینز کا آرمی ایکٹ کے تحت ٹرائل بھی ہوا اور انہیں سزائیں بھی ہوئیں اور چند لوگ تو آج بھی سزائیں بھگت رہے ہیں لیکن اس وقت تو 2 نامور وکلا تو سامنے نہیں آئے تھے نہ انہوں نے کوئی پٹیشن داخل کی تھی، جس طرح وہ آج سامنے آئے ہیں۔
مزید یہ بھی پڑھیں؛
خدیجہ شاہ، صنم جاوید و دیگر کی درخواست ضمانت پر آیا فیصلہ
ہولی تہوار سے متعلق ایچ ای سی کا نوٹیفکیشن غیر قانونی قرار
بچوں کیلئےفارمولا ملک پربھاری ٹیکس لگایا جانا چاہیئے،ماہرین صحت
پنجاب؛ 25 سال میں پہلی بار ماحولیاتی رپورٹ جاری
پشاور میں جمعے کے خطبے کے دوران بھینس کی مسجد میں انٹری سے نمازی حیران
انہوں نے مزید کہا کہ اگر انسانی حقوق کا معاملہ ہے اور اسے ہی تحفظ فراہم کرنا ہے تو پھر تو کسی بھی شخص کے سامنے کوئی چیز آئی تو اسی وقت اٹھنا چاہیئے تھا اور اسی وقت عدالتوں کا دروازہ کھٹکھٹانا چاہئے تھا لیکن ایسا نہیں ہوا، اسی لئے بہت سے شکوک پیدا ہوتے ہیں۔
