وزیراعلیٰ سندھ کی این آئی سی وی ڈی کو فوری فنڈز جاری کرنے کی ہدایت
وزیراعلیٰ سندھ کی این آئی سی وی ڈی کو فوری فنڈز جاری کرنے کی ہدایت
باغی ٹی وی کی رپورٹ کے مطابق وزیراعلیٰ سندھ سید مراد علی شاہ کی زیرصدارت این آئی سی وی ڈی کے حوالے سے اجلاس ہوا
اجلاس میں وزیر صحت ڈاکٹر عذرہ پیچوہو، سیکریٹری قانون، پرنسپل سیکریٹری خزانہ اور ایگزیکیوٹو ڈائریکٹر ڈاکٹر ندیم قمرشریک ہوئے،وزیراعلیٰ سندھ سید مراد علی شاہ کا کہنا تھا کہ سندھ حکومت این آئی سی وی ڈی کو 10.1 بلین روپے سالانہ دیتی ہے،
وزیراعلیٰ سندھ نے این آئی سی وی ڈی کو فوری فنڈز جاری کرنے کی ہدایت دیدی ،وزیراعلیٰ سندھ سید مراد علی شاہ کا کہنا تھا کہ این آئی سی وی ڈی اور انکے سیٹیلائیٹ یونٹس پورے سندھ میں بہتریں کام کررہے ہیں، ہم نے این آئی سی وی ڈی کو بہترین ادارہ بنایا جو دل کے مریضوں کا بہترین علاج فراہم کر رہا ہے، ہمیں کسی مسائل میں الجھنا نہیں چاہتے،
وزیراعلیٰ سندھ مراد علی شاہ کا مزید کہنا تھا کہ ہم عوام کی خاطر این آئی سی وی ڈی کو مزید مستحکم کرینگے، ہم نے محنت کے ساتھ این آئی سی وی ڈی، این آئی سی ایچ اور جے پی ایم سی کو بہترین ادارے بنائیں، ہم ان اداروں کو تنہا نہیں چھوڑیں گے، سندھ حکومت ان بہترین اداروں کو چلاتی رہے گی،
Leave a reply
