سعودی عرب میں کنسرٹ، سلمان خان کے رقص پر حاضرین خوش:عربی جھومنے لگے
نیوم :سعودی عرب میں کنسرٹ، سلمان خان کے رقص پر حاضرین خوش:عربی جھومنے لگے،اطلاعات کے مطابق سعودی عرب میں کنسرٹ، معروف بالی ووڈ اسٹارز سلمان خان، جیکولین فرنینڈز، شلپا شیٹھی سمیت دیگر نے سعودی عرب کے دارالحکومت ریاض کے بولیوارڈ میں شاندار پرفارمنس سے سعودی شہریوں کے دل جیت لیے۔
یاد رہے کہ سعودی عرب کے دارالحکومت ریاض میں بالی وڈ سپر اسٹار سلمان خان کا میوزک کنسرٹ ہوا جس میں ہزاروں افراد نے شرکت کی۔
سلمان خان گزشتہ دنوں بالی وڈ اداکاراؤں اور اداکاروں کے ہمراہ سعودی دارالحکومت ریاض پہنچے تھے جہاں انہوں نے پریس کانفرنس بھی کی تھی۔
بالی وڈ اسٹار نے گزشتہ شب ریاض کے سیاحتی و تفریحی مقام بولیورڈ ریاض سٹی میں میوزک کنسرٹ کیا جس میں ہزاروں افراد نے شرکت کی۔
کنسرٹ میں سلمان خان کے علاوہ شلپا شیٹی اور دیگر نے مختلف گانوں پرپرفارم کیا۔
#BoulevardPlus is shining with Bollywood stars 🇮🇳🇸🇦
We witness a special moment as The Bollywood star Salman Khan & the stars of DA-BANGG The Tour take on the stage to impress us with outstanding choreographies to their exceptional songs 😍🔥
#RiyadhSeason pic.twitter.com/xoXa4nQU6W
— تقويم الرياض | Riyadh Calendar (@RiyadhSeason) December 10, 2021
سلمان خان سمیت بہت سے فنکاروں کی سعودی عرب میں یہ پہلی پرفارمنس تھی جس میں رقص بھی پیش کیا گیا۔
رپورٹس میں بتایا گیا ہے کہ سعودی عرب میں کنسرٹ کے دوران تماشائیوں کی تعداد 80 ہزار تھی جنہوں نے پورے جوش و خروش سے بھارتی فنکاروں کی پرفارمنس دیکھی اور لطف اندوز ہوئے۔
وصلنا من الحماس .. اللي يتعدَّى وصفه 😍
مع النجم البوليوودي سلمان خان ونجوم DA-BANGG .. اللي صنعوا ليلة فنيَّة عظيمة لكل جمهور #بوليفارد_بلس 🕺🔥#موسم_الرياض pic.twitter.com/32KKv5Qyuy— تقويم الرياض | Riyadh Calendar (@RiyadhSeason) December 10, 2021
دوسری طرف بالی ووڈ کے دبنگ اسٹار سلمان خان نے سعودی عرب میں اپنی فلم کی شوٹنگ کرنے کی خواہش کا اظہار کیا ہے۔
ذرائع کے مطابق جمعے کو ایک پریس کانفرنس میں سلمان خان نے کہا انہیں سعودی عرب آنے پر بے حد خوشی ہے۔
انہوں نے ریاض سیزن اور سعودی عرب میں نظر آنے والی تبدیلیوں کی تعریف کرتے ہوئے کہا سعودی ہنستے مسکراتے لوگ ہیں، ان کے چہروں پر بکھری مسکراہٹ سے زیادہ خوبصورت بات کیا ہوگی۔
بالی وڈ اسٹار سلمان خان کا کہنا تھا کہ چند مہینوں میں ایک بار پھر زبردست تبدیلی دیکھ رہا ہوں۔ آپ کے چہروں پر مسکراہٹیں دیکھ رہا ہوں اور آپ کے چہرے پر مسکراہٹ سے بہتر کیا ہو سکتا ہے۔ یہاں بہت سے خوبصورت مقامات ہیں۔
سلمان خان نے کہا سعودی عرب میں اپنی فلم کی عکس بندی کی خواہش ہے، یہ فلمی کیریئر کا اہم موڑ ثابت ہوگا، سعودی عرب بلاشبہ تہذیبوں کا سنگم ہے۔