کرونا کیسز میں ایک بار پھر اضافہ،اسد عمر نے کی شہریوں سے اپیل

باغی ٹی وی کی رپورٹ کے مطابق سربراہ این سی او سی اسد عمر نے کہا ہے کہ ملک بھر میں کورونا کیسز میں اضافہ ہو رہا ہے ،

اسد عمر کا کہنا تھا کہ شہریوں سے اپیل ہے کہ وہ کوروناویکسین لگوائیں شہری عید کی چھٹیوں میں تفریحی مقامات کی طرف نہ جائیں،بھارتی ویرینٹ پاکستان میں پھیلنے کا خدشہ ہے ملک میں 18سال سے زائد عمر کے ساڑھے12 کروڑ سے زائد لوگ ہیں،پاکستان میں ویکسی نیشن کرانے والوں کی تعداد انتہائی قلیل ہے، کورونا کی بھارتی قسم تیزی سے پھیلتی ہے،پاکستان میں 2کروڑ 21لاکھ ویکسین کی خوراکیں لگ چکی ہیں ویکسین نہ لگوانے والے 333 افراد میں ایک شخص کو کورونا ہوا، ویکسین کی ایک ڈوز لگوانے والے 1250 لوگوں میں ایک شخص کو کورونا ہوا، آپ نے ویکسین نہیں لگوائی تو آپ کو 4گنا زیادہ خطرہ ہے،سائنسدان فلسفے کی بنیاد پر نہیں حقائق کی بنیاد پر خبردار کررہے ہیں،4 دنوں سے یومیہ ویکسی نیشن کی تعداد 5 لاکھ سے زیادہ ہے،

وزیراعظم کے معاون خصوصی برائے صحت ڈاکٹر فیصل سلطان نے کہا کہ کورونا مثبت کیسز کی شرح میں اضافہ ہواہے روزانہ ڈھائی ہزار کے قریب نئے کیسز سامنے آرہے ہیں قومی سطح پر کورونا پھیلنے کی شرح 6فیصد سے بڑھ گئی ہے، کراچی میں کورونا پھیلنے کی شرح 20فیصد ہوگئی ہے،ملک بھر میں 1900افراد کی حالت تشویشناک ہےبھارتی ڈیلٹا پھیلنے کی شرح تیزی سے بڑھ رہی ہے، ویکسین نہ لگوانے والوں میں کورونا کے حملے کا خطرہ 7گنا زیادہ ہے،

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

دہلی میں ہیلتھ ورکر کرونا کا شکار ہوئی تو بیڈ ملا نہ شمشان گھاٹ میں آخری رسومات کیلئے جگہ

بھارت میں کرونا بحران کا مودی ذمہ دار،عالمی میڈیا بھی برس پڑا

بھارت میں کرونا سے سڑکوں پر اموات، پاکستان نے بھی بڑا اعلان کر دیا

بھارت میں کرونا کیسز ، بھارتی سائنسدانوں نے ہی بھارتی قوم کو ڈرانا شروع کر دیا

کرونا کیسز، بھارت میں نیا ریکارڈ بن گیا،شمشان گھاٹ میں طویل قطاریں