کرونا کیخلاف فرنٹ پر لڑنے والے طبی عملے کو سنائی وزیراعلیٰ پنجاب نے بڑی خوشخبری

کرونا کیخلاف فرنٹ پر لڑنے والے طبی عملے کو سنائی وزیراعلیٰ پنجاب نے بڑی خوشخبری

باغی ٹی وی کی رپورٹ کے مطابق وزیراعلیٰ پنجاب عثمان بزدار نے کہا ہے کہ کرونا کے خلاف فرنٹ لائن پر لڑنے والے ورکرز کو اپریل سے ہر مہینے ڈبل تنخواہ دی جائے گی

سماجی رابطے کی ویب سائٹ ٹویٹر پر ٹویٹ کرتے ہوئے وزیراعلیٰ پنجاب نے کہا کہ الحمد للہ ڈیرہ غازی خان میں کورونا وائرس سے متاثر ہونے والے تمام 12 ڈاکٹرز اور ملتان نشتر ہسپتال کے 26/27 ڈاکٹرز مکمل صحتیاب ہو چکے ہیں اور ان کے مسلسل 2 ٹیسٹ نیگیٹو آئے ہیں

وزیراعلیٰ پنجاب عثمان بزدار کا کہنا تھا کہ ہم اپنے فرنٹ لائن پر لڑنے والےورکرز کو سلام پیش کرتے ہیں اور اپریل سے ہر مہینے انہیں ڈبل تنخواہ دی جائےگی ،خدانخواستہ کسی شہادت کی صورت میں ہم نے تمام فرنٹ لائن ورکرز کے لیے 40 سے 80 لاکھ کے شہید پیکج/لائف انشورنس کا بھی اعلان کیا ہے

الحمد للہ ڈیرہ غازی خان میں کورونا وائرس سے متاثر ہونے والے تمام 12 ڈاکٹرز اور ملتان نشتر ہسپتال کے 26/27 ڈاکٹرز مکمل صحتیاب ہو چکے ہیں اور ان کے مسلسل 2 ٹیسٹ نیگیٹو آئے ہیں

ہم اپنے فرنٹ لائن پر لڑنے والےورکرز کو سلام پیش کرتے ہیں اور اپریل سے ہر مہینے انہیں ڈبل تنخواہ دی جائےگی

— Usman Buzdar (@UsmanAKBuzdar) April 23, 2020

وزیراعلیٰ پنجاب عثمان بزدار کا مزید کہنا تھا کہ عالمی مارکیٹ میں شارٹیج کے باوجود ہم اپنے ورکرز کو PPEs کی فراہمی جاری رکھے ہوئے ہیں اور شکایت کی صورت میں ذمہ داورں کے خلاف سخت کارروائی کی جاتی ہے.

کرونا مریضوں کا علاج کرنیوالے خود کرونا میں مبتلا، ملتان میں‌ مزید ڈاکٹرز میں کرونا کی تشخیص

خیبر پختونخواہ کے ڈاکٹرزسمیت طبی عملے کے 25 اراکین میں کرونا کی تشخیص، ایک کی ہوئی موت

سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار

سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات

امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

خلیل الرحمان قمر vs ماروی سرمد | مبشر لقمان بھی میدان میں آگئے۔

واضح رہے کہ لاہور سمیت پنجاب کے کئی ہسپتالوں میں کام کرنے والے طبی عملے میں کرونا وائرس کی تشخیص ہو چکی ہے

پاکستان میں کورونا وائرس سے متاثر ہونے والے طبی اور نیم طبی عملے کی تعداد میں اضافہ دیکھنے میں آیا ہے، طبی اور نیم طبی عملے کے 180 افراد کورونا وائرس سے متاثر ہیں،ملک کے مختلف اسپتالوں کے 60 سے زیادہ پیرامیڈیکس اور دیگر عملہ کورونا سے متاثر ہوگیا،ملک بھر میں اس وقت 30 نرسز میں کورونا وائرس کی تشخیص ہوئی ہے،

گزشتہ 24گھنٹوں میں 11 ڈاکٹرز، نرسز اور پیرامیڈیکس میں کورونا کی تشخیص ہوئی،پاکستان بھر میں اس وقت 90 ڈاکٹر کورونا وائرس سے متاثر ہیں،پاکستان میں گزشتہ 2 مہینوں میں ایک نرس اور 2 ڈاکٹر کورونا وائرس کےباعث انتقال کرچکے ہیں

واضح رہے کہ حکومت کی جانب سے طبی عملے کا مناسب حفاظتی سامان نہ دینے کی وجہ سے پنجاب کے کئی ڈاکٹرز میں کرونا وائرس کی تشخیص ہو چکی ہے، صرف لاہور میں دل کے ہسپتال پی آئی سی میں 3 ڈاکٹروں سمیت طبی عملے کے 12 افراد میں کرونا کی تشخیص ہو چکی ہے، ملتان کے نشتر ہسپتال میں کم از کم طبی عملے کے 25 افراد میں کرونا کی تشخیص ہوئی ہے