fbpx

کرونا ایس او پیز کی خلاف ورزی، بغیر ماسک گھومنے پر لاہور میں 1000 سے زائد مقدمے درج

کرونا ایس او پیز کی خلاف ورزی، بغیر ماسک گھومنے پر لاہور میں 1000 سے زائد مقدمے درج

باغی ٹی وی کی رپورٹ کے مطابق پنجاب میں کرونا ایس او پیز کی خلاف ورزی کرنیوالوں کے خلاف کاروائی کا سلسلہ جاری ہے

پنجاب کے صوبائی دارالحکومت لاہو رمیں بغیر ماسک 484 مقدمات جبکہ کورونا ایس او پیز کی خلاف ورزی پر 517 مقدمات درج کئے گئے ہیں، مجموعی طور پر 1001 مقدمات درج کئے گئے، سٹی ڈویژن میں بغیر ماسک 21 جبکہ کورونا ایس او پیز کی خلاف ورزی پر 95 مقدمات درج کئے گئے، کینٹ ڈویژن میں بغیر ماسک 108 جبکہ کورونا ایس او پیز کی خلاف ورزی پر 31 مقدمات درج کئے گئے، ماڈل ٹاؤن ڈویژن میں بغیر ماسک 159 جبکہ ایس او پیز کی خلاف ورزی پر 242 مقدمات درج کروائے گئے، اقبال ٹاؤن میں بغیر ماسک 64 جبکہ کورونا ایس او پیز کی خلاف ورزی پر 66 مقدمات درج کئے گئے، سول لائنز ڈویژن میں بغیر ماسک 52 جبکہ کورونا ایس او پیز کی خلاف ورزی پر 44 مقدمات درج کئے گئے، صدر ڈویژن میں بغیر ماسک 42 اور کورونا ایس او پیز کی خلاف ورزی پر 140 مقدمات درج کئے گئے،

سی سی پی او لاہور کا کہنا ہے کہ شہریوں کے تحفظ کے پیش نظر حکومتی گائیڈ لائنز پر من و عن عملدرآمد کروایا جائے، پولیس، ضلعی حکومت اور محکمہ ہیلتھ کی مشترکہ ٹیمیں بھی تشکیل دے دی گئیں ہیں، کورونا ایس او پیز کی مانیٹرنگ کےلیے مشترکہ کنٹرول روم بھی قائم کیا گیا ہے، بغیر ماسک اور سماجی فاصلوں کو یقینی نہ بنانے والوں کے خلاف کارروائی کی جائے گی، حکومتی اوقات کار کی خلاف ورزی پر بھی سخت کارروائی کی جائے گی، کورونا وباء میں تشویشناک حد تک اضافہ، احتیاط برتنا ہوگی، ماسک کے استعمال کو یقینی بنانے کیلئے ناکہ بندی بھی کی جائے گی، شہری اپنی اور دوسروں کی حفاظت کیلئے ماسک کے استعمال کو یقینی بنائیں،

جواب چھوڑیں

آپ کا ای میل ایڈریس شائع نہیں کیا جائے گا.