کورونا وبا: 19 افراد جاں بحق، مزید 768 کیسز رپورٹ

پاکستان میں عالمی وبا کورونا وائرس سے مزید19 افراد جاں بحق ہو گئے-

باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 35 ہزار281 کورونا ٹیسٹ کیے گئے مزید 768 کورونا کیسز رپورٹ ہوئے۔

ملکہ برطانیہ نے کورونا کو شکست دے دی

این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 15 لاکھ 11 ہزار 754 جبکہ اموات کی مجموعی تعداد 30 ہزار دوسو سینتیس ہو گئی ہے اور مثبت کیسز کی شرح 2.17 فیصد رہی اس کے علاوہ 908 مریضوں کی حالت تشویشناک ہے۔

کورونا وائرس چین کے شہر ووہان کی ایک مارکیٹ سے پھیلا ،تحقیق

سندھ میں کورونا کے کیسز کی تعداد 5 لاکھ 68 ہزار 928، خیبر پختونخوا میں 2 لاکھ 16 ہزار 386، پنجاب میں 5 لاکھ 2 ہزار12، اسلام آباد میں ایک لاکھ چونتیس ہزار 496، بلوچستان میں 35 ہزار 357، آزاد کشمیر میں 43 ہزار44 اور گلگت بلتستان میں 11 ہزار 531 ہو گئی ہے۔

کورونا کے سبب سب سے زیادہ اموات پنجاب میں ہوئی ہیں جہاں 13 ہزار 508 افراد جان کی بازی ہار چکے ہیں جبکہ سندھ میں 8 ہزار 80، خیبر پختونخوا چھ ہزار 280، اسلام آباد ایک ہزار 14، گلگت بلتستان میں 191، بلوچستان میں 376 اور آزاد کشمیر میں 788 افراد جان کی بازی ہار چکے ہیں۔

ہرن سے انسان میں منتقل ہونے والا پہلا کورونا کیس دریافت