چور مچائےشور ، بھارت نے مقبوضہ کشمیر میں کرفیو کی ذمہ داری پاکستان پر ڈال دی

نئی دہلی: چور مچائے شور کے مترادف بھارت نے کشمیر میں کرفیو اور لاک ڈاؤن کی ذمہ داری پاکستان کے رویے پر ڈال دی . اس سلسلے میں بھارت کی قومی سلامتی کے مشیر نے دعوی کیا ہے کہ اگر پاکستان بھارت کے خلاف پراپیگنڈا بند کر دے تو بھارت کشمیر سے کرفیو اٹھا سکتا ہے. اجیت ڈوول کے مطابق اس صورت حال کا ذمہ دار پاکستان ہے بھارت کے مشیر برائے قومی سلامتی امور اجیت دوول نے عقل و دانش سے ماورا دعویٰ کر کے دنیا باشعور دنیا کو بھی ورطہ حیر ت میں‌ڈا ل دیا ہے ک کہ کشمیر میں پابندیوں کے خاتمے کا انحصار پاکستانی رویے پر ہے۔

ایسی باتیں کر کے بھارت کشمیر سے دنیا کی توجہ مبذول کروانا چاہتا ہے کہ کہاں کرفیو اور لاک ڈاؤن کے نتیجے میں ایک ماہ سے زیادہ عرصہ بیت چکا ہے. اور انسانی حقوق کی سنگین خلاف ورزیاں‌جاری ہیںِ

بھارت میں وفاقی وزیر کے منصب کے حامل قومی مشیر برائے سلامتی امور اجیت دوول نے مقبوضہ وادی کشمیر میں جاری بھارتی مظالم پر دنیا بھر سے اٹھنے والی انسانی آوازوں کی توجہ حقائق سے مبذول کرانے کے لیے انوکھی منطق پیش کی ہے کہ اگر پاکستان پراپگنڈا بند کردے تو کشمیر سے بلیک آؤٹ کا خاتمہ ممکن ہے۔ انہوں نے مؤقف اختیار کیا ہے کہ مقبوضہ وادی کشمیر میں حالات کے معمول پر آنے کے لیے پاکستان کا بہتر رویہ ضروری ہے۔

وادی میں نہتے، بے گناہ اور مظلوم کشمیریوں کے خلاف اپنی درندہ صفت قابض افواج کے ذریعے بہیمانہ مظالم اور جبر و تشدد کی گھناؤنی تاریخ رقم کرنے والے بھارت کے مشیر برائے قومی سلامتی امور نے ذرائع ابلاغ سے بات چیت کرتے ہوئے الزام عائد کیا کہ پاکستان خطے میں گڑ بڑ پیدا کرنا چاہتا ہے لیکن انہوں نے یہ نہیں بتایا کہ مقبوضہ وادی کشمیر میں حالات خود ان کی اپنی حکومت نے خراب کیے ہیں۔

اجیت دوول نے یہ دعویٰ اور الزام ایک ایسے وقت میں عائد کیا ہے کہ جب مقبوضہ وادی کشمیر میں جاری تازہ ریاستی جبر و تشدد کو36 دن گزر چکے ہیں اورعالمی انسانی حقوق کی تنظیمیں بھی اب مظلوم کشمیریوں کے حق میں آوازیں بلند کرنے لگی ہیں۔