سیلاب متاثرین کی بحالی،پنجاب حکومت اوردعوت اسلامی کا ملکر کام کرنے پر اتفاق

سیلاب متاثرین کی بحالی،پنجاب حکومت اوردعوت اسلامی کا ملکر کام کرنے پر اتفاق

وزیر اعلیٰ پنجاب چودھری پرویز الٰہی سے دعوت اسلامی کی مرکزی مجلس شوریٰ کے رکن حاجی عبدالحبیب عطاری کی سربراہی میں فیضان گلوبل ریلیف فاؤنڈیشن (ایف جی آرایف) کے وفد کی ملاقات ہوئی ہے

وزیراعلیٰ چودھری پرویز الٰہی نے دعوت اسلامی کے وفد کو آیت و حدیث ختم نبوتؐ سے متعلق فریم کا تحفہ دیا ،ملاقات میں جنوبی پنجاب میں سیلاب متاثرین کی بحالی کے اقدامات پر تفصیلی بات چیت کی گئی، پنجاب حکومت اور ایف جی آر ایف کے درمیان سیلاب متاثرین کی بحالی کیلئے مل کر کام کرنے پر اتفاق کیا گیا، وزیراعلیٰ پنجاب چودھری پرویز الہیٰ کا کہنا تھا کہ سیلاب متاثرین کو گھربنا کر دیں گے اس ضمن میں ایف جی آر ایف کے تعاون سے گھر تعمیر کئے جائیں گے پنجاب حکومت اور ایف جی آر ایف کی کوآرڈینیشن سے سیلاب متاثرین کی آبادکاری کو یقینی بنایا جائیگا

وزیراعلیٰ چودھری پرویز الٰہی کی ہدایت پر سیلاب متاثرین کی آبادی کاری کیلئے تعاون کے حوالے سے مشترکہ کمیٹی تشکیل دی گئی، وزیراعلیٰ کا کہنا تھا کہ سیلاب متاثرین کو گھروں کی تعمیر کے لئے 4لاکھ روپے کی مالی امداد دیں گے۔ تباہ ہونے والے کچے گھر وں کی تعمیر کیلئے 2لاکھ روپے کی مالی امداد دی جائے گی دعوت اسلامی کاادارہ ایف جی آر ایف فلاحی کاموں میں پیش پیش ہے۔ پنجاب حکومت سیلاب متاثرین کی بحالی کے کاموں میں مل کر کام کرے گی متاثرہ علاقوں میں وبائی امراض کی روک تھام کیلئے خصوصی میڈیکل ٹیمیں تشکیل دی ہیں۔ امداد کا صحیح حق داروں تک پہنچنا بے حد ضروری ہے۔ سیلاب زدہ علاقوں کے متاثرہ لوگو ں کی بحالی کیلئے خدمت کا جذبہ قابل تحسین ہے سیلاب متاثرین کیلئے جو بھی ممکن ہو سکا، کیا اور کرتے رہیں گے سیلاب متاثرین کی مدد کیلئے موصول ہونے والے عطیات کے شفاف استعمال کو یقینی بنائیں گے

عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے

شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

نعرے ریاست مدینہ کےاورغلامی امریکہ کی واہ شہبازگل باجوہ

شہباز گل پر ایسا تشدد ہوا جو بتایا جا سکتا اور نہ دکھایا جا سکتا ہے، بابر اعوان

ایف جی آر ایف کی جانب سے وزیراعلیٰ پنجاب کو سیلاب زدگان کی امداد اور بحالی سے متعلق بریفنگ دی گئی، وزیراعلیٰ پنجاب نے فلاحی کاموں سے متعلق ایف جی آر ایف کی خدمات کو سراہا اور اپنے مکمل تعاون کی یقین دہانی کرائی ،وفد میں دعوت اسلامی کی مرکزی مجلس شوریٰ کے رکن شوریٰ حاجی یعفور رضا عطاری نگران لاہور ڈویژن، ڈائریکٹر کوارڈنیشن ڈیپارٹمنٹ دعوت اسلامی پنجاب محمد لیاقت عطاری،ایف جی آر ایف نگران لاہور ڈویژن حاجی محمد افضل عطاری،حنیف میمن، ایف جی آر ایف کراچی محمد عادل عطاری، دعوت اسلامی کراچی کے محمد عمران گھیگی اوردیگر عہدیداران شامل تھےراسخ الٰہی،ایم پی اے حافظ عماریاسر،میاں محمد حنیف اور بینک آف پنجاب سابق صدر ہمیش خان بھی اس موقع پر موجود تھے