جھوٹی خبریں اور افواہیں پھیلانے والے سے بھی "کل”سوال کیا جائے گا،شہباز گل

لاہور:پنجاب حکومت کے ترجمان شہباز گل نے جھوٹی خبریں اور افواہیں پھیلانے والوں کے رویے پر افسوس کا اظہار کرتے ہوئے کہا ہے کہ جھوٹ بولنے والوں کو ڈرنا چاہیے .جھوٹ بولنے والوں سے کل سوال ہوگا

شہباز گل نے اپنے ٹویٹ میں اس جھوٹی خبر کی طرف اشارہ کیا ہے جس میں کہا گیا ہے کہ حکومت نے قبرستانوں پر بھی ٹیکس لگا دیا ہے .شہباز گل نے کہا کہ اس قسم کی جھوٹی خبریں پھیلانے والوں کو ڈرنا چاہیے .اپنے ایک اور بیان میں شہباز گل نے کہا کہ ریاست مخالف قوتوں نے سوشل میڈیا کے ذریعے ملک میں‌ بے چینی پھیلانے اور سادہ لوح لوگوں کو گمراہ کرنے کا مشن اختیار کررکھا ہے

یاد رہے کہ سوشل میڈیا پر اس جھوٹی افواہ پر حکومت مخالف سوچ کے حامل لوگوں نے اس افواہ پر جلتی پر تیل چھڑکنےکا کام کیا ہے اور جھوٹ پر جھوٹ بول کر غلط فہمی پیدا کرنے کی کوشش کی ہے.