پاکستان شوبز انڈسٹری کی خوبصورت اور چلبلی اداکارہ ہانیہ عامر اور میوزک اندسٹری کے نامور گلوکار عاصم اظہر کے مداح عید کے موقع پر دونوں کو ایک ساتھ دیکھ کر خوش ہو گئے۔
باغیٹی وی : اداکارہ ہانیہ عامر نے گلوکارہ آئمہ بیگ کے ساتھ گفتگو کرتے ہوئے گلوکار عاصم اظہر اور اپنے تعلق کے بارے میں بات کرتے ہوئے کہا تھا کہ وہ اور گلوکار عاصم اظہر بہترین دوست ہیں تاہم ساتھ ہی انہوں نے وضاحت کی کہ ان کے درمیان ‘وہ’ والے تعلقات نہیں۔
ہانیہ عامر کا کہنا تھا کہ ان کے اور عاصم اظہر کے درمیان جوڑے بننے والے تعلقات نہیں اور نہ ہی انہوں نے کبھی ایک دوسرے سے اس طرح کی ملاقاتیں کی ہیں اور نہ ہی وہ ایک د وسرے کو اس طرح دیکھتے ہیں وہ دونوں بہترین دوست ہیں اور وہ ایک دوسرے کی مدد کرتے رہتے ہیں۔
اداکارہ کی جانب سے عاصم اظہر کے ساتھ دوستی کے اعتراف اور تعلقات کے انکار کے حوالے سے کچھ مداح پریشان بھی دکھائی دیئے اور ناراض بھی دکھائی دیئے-
تاہم اب عید کے موقع پر دونوں کو ایک ساتھ دیکھ کر مداح خوشی کا اظہار کر رہے ہیں-
https://www.instagram.com/p/CDY0g5sjzF2/?igshid=1qbz1ughma5qv
عید الضحیٰ کے موقع پر ہانیہ عامر نے اپنے انسٹاگرام اکاؤنٹ پر عاصم اظہر کے ساتھ تصاویر شیئر کی ہیں تصاویر میں دیکھا جا سکتا ہے کہ ہانیہ اور عاصم ایک ساتھ اپنے چند دوستوں کے ساتھ بیٹھے خوش دکھائی دے رہے ہیں اور بہترین سیلفی لینے کی جدو جہد کر رہے ہیں-
تصاویر میں ہانیہ عامر نے لال رنگ کا گوٹا لگا ہوا لباس پہنا ہے جبکہ عاصم اظہر سفید رنگ کے لباس میں ملبوس ہیں ۔
ہانیہ عامر کی جانب سے شیئر کی گئی ان تصاویر کو دیکھ کر مداحوں کی جانب سے خوشی کا اظہار کیا گیا ہے۔
ہانیہ عامر انسٹاگرام اسکرین شاٹس