Home›بین الاقوامی›ترک اداکارانجین التان نے اپنے مداحوں کو خبردار کر دیا

ترک اداکارانجین التان نے اپنے مداحوں کو خبردار کر دیا

ستمبر 10, 2020

مسلمانوں کی اسلامی فتوحات پر مبنی شہرہ آفاق تُرک سیریز میں بہادر جنگجو کارطغرل کا کردار ادا کرنے والے تُرک اداکار انجین التان نے مداحوں کو ان کے نام سے بنے فیک اکاؤنٹ فالو کرنے سے خبردار کردیا۔

باغی ٹی وی : انجین التان نے سوشل میڈیا ویب سائٹ ٹوئٹر پراپنے ٹوئٹ میں فیک اکاؤنٹ کا اسکرین شاٹ شیئر کرتے ہوئے بتایا کہ یہ ایک جعلی اکاؤنٹ ہے۔

This account is fake…it,s not my official account.. pic.twitter.com/jlWNr1X9xD

— Engin Altan Düzyatan (@enginaltandu) September 10, 2020

انہوں نے بتایا کہ یہ اُن کا آفیشل اکاؤنٹ نہیں بلکہ ایک جعلی اکاؤنٹ ہے جسے ان کے نام سے منسوب کیا گیا ہے۔

پاکستان سمیت دنیا بھر میں مقبول ترک سیریز ’ارطغرل غازی‘ کی مقبولیت کے بعد سے ہی سوشل میڈیا پر ان کے مرکزی کرداروں کے جعلی اکاؤنٹس دیکھنے میں آرہے ہیں نہ صرف ٹوئٹر بلکہ تمام ہی سوشل میڈیا پلیٹ فارمز پر انجین التان کے نام سے آئی ڈیز اور پیجز بنے ہوئے ہیں جن سے اکثر مزاحیہ اور تنقیدی ٹوئٹس یا اسٹیس شیئر کئے جاتے ہیں۔

تاہم اب اداکار نے پنے مداحوں کو خبردار کر دیا ہے کہ یہ ان کے اکاؤنتس نہیں ہیں بلکہ ان کے نام سے بنائے گئے فیک اکاؤنٹس ہیں-

واضح رہے کہ تُرک ڈراموں اور فلموں کو دنیا بھر میں پسند کیا جاتا ہےمگر جو مقبولیت ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا گیم آف تھرونز بھی کہا جاتا ہے کو ملی اس کی مثال نہیں ملتی۔ اسے دنیا کے کم و بیش ساٹھ ( 60 ) ممالک میں ڈب کر نے کے بعد اب پاکستان میں بھی نشر کیا جا رہا ہے اس ڈرامے نے پاکستان سمیت دنیا بھر میں انتہائی مقبولیت حاصل کی ہے پاکستان میں نہ صرف اس ڈرامے کولوگ بے تحاشہ پسند کررہے ہیں بلکہ ڈرامے کے اداکاروں خاص طور پر مرکزی کردار ارطغرل غازی کو بے حد شہرت ملی ہے-

دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے اور اس کا سیزن 1 چل رہا ہے جبکہ اس کے مجموعی طور پر 5 سیزن ہیں۔

پہلے سیزن کی کہانی میں تیرھویں صدی کا زمانہ دکھایا گیا ہے اور قائی قبیلہ منگولوں کے حملوں سے بچنے کے لیے نئی منزل تلاش کرتا ہے جس کے لیے قبیلے کے سردار کا بیٹا ارطغرل آگے بڑھ کر کردار ادا کرتا ہے-

اسلامی فتوحات پر مبنی شہرہ آفاق تُرک سیریز ’ارطغرل غازی‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے-