مسلمانوں کی اسلامی فتوحات پر مبنی تُرک سیریز ’ارطغرل غازی‘ نے پاکستان میں مقبولیت کا ایک اور ریکارڈ قائم کردیا۔

باغی ٹی وی : پاکستان میں سرکاری ٹی وی پر ’ارطغرل غازی‘ کے نشر ہونے کے ساتھ ہی ’ٹی آر ٹی ارطغرل بائے پی ٹی وی‘ کے نام سے ایک علیحدہ یوٹیوب چینل بنایا گیا تھا جس پر اب سبسکرائبرز کی تعداد ایک کروڑ ہوچکی ہے۔

مذکورہ چینل کو ’ارطغرل غازی‘ کو پی ٹی وی پر نشر کرتے وقت ہی بنایا گیا تھا پی ٹی وی مذکورہ یوٹیوب چینل کے ذریعے کم وقت میں زیادہ سبسکرائبرز کا عالمی ریکارڈ بنانے کا خواہاں تھا، تاہم ایسا نہیں ہوسکا تھا لیکن اب اسی چینل نے ایک نیا سنگ میل عبور کرلیا۔

We've passed 10 million subscribers on our Urdu Ertugrul channel on @YouTube – Thanks to all the fans around the world and to everyone who has contributed to the success. We're just getting started. #Eyvallah pic.twitter.com/JvpK7Lh1LN

— Riyaad Minty (@Riy) November 23, 2020

اب مذکورہ یوٹیوب چینل کے محض 7 ماہ میں سبسکرائبرز کی تعداد ایک کروڑ تک جا پہنچی ہے۔

خیال رہے کہ عالمی سطح پر سیریز کے مختلف زبانوں میں بنائے گئے چینلز کے سبسکرائبرز کی مجموعی تعداد ڈیڑھ کروڑ ہے جب کہ ان چینلز پر اپ لوڈ کی گئی اقساط کو 3 ارب بار دیکھا جاچکا ہے۔

ترک شیف براق اوزڈیمیر کی بچپن کی تصویر سوشل میڈیا پر وائرل

واضح رہے کہ وزیر اعظم عمران خان کی ہدایت پر سرکاری ٹی وی چینل پر اُردو زبان میں نشر کی جانے والی ترک سیریز ’ارطغرل غازی‘ کو پاکستان میں خوب مقبولیت مل رہی ہے اورنہ صرف اس سیریز بلکہ اس کے کرداروں نے پاکستانیوں کو اپنے سحر میں جکڑا ہوا ہے-

ارطغرل غازی کے ابن عربی نے مداحوں سے نئے پروجیکٹ کے لئے مشورہ مانگ لیا