عائشہ ذوالفقار
پاکستان شوبز انڈسٹری کی معروف اداکارہ و ماڈل کا کہنا ہے کہ ارطغرل غازی میں حلیمہ سلطان کا کردار ادا کرنے والی تُرک اداکاہ اسرا بلجیک کو پاکستانی اشتہاروں کے لئے ہائر کرنا ہمارے منہ پر ایک طرح سے طمانچہ مارنے کے مترادف ہے-
باغی ٹی وی :اسلامی فتوحات پر مبنی تُرک سیریز ارطغرل غازی کو رواں برس اپریل سے وزیر اعظم عمران خان کی ہدایت پر پی ٹی وی پر نشرکیا جا رہا ہے جس پر شوبز شخصیات منقسم دکھائی دیں جہاں اس ڈرامے کو شوبز شخصیات پی ٹی وی پر نشر کئے جانے کی حامی ہیں کچھ فنکار مذکورہ ڈرامہ پی ٹی وی پر نشر کرنے کے پر ناراض دکھائی دیئے اور تاحال اس پر اداکاروں کی مختلف رائے سامنے آ رہی ہے۔جبکہ پاکستانی عوام کی جانب سے اس ڈرامے اور کرداروں کو بے حد پسند کیا جارہا ہے-
ڈرامے اور ان کے کرداروں کو پاکستان میں کام کرنے کے مخالفین میں سب سے آگے یاسر حسین ہیں جو اس ڈرامے اور کرداروں کے خلاف زہر اگلنے کا کوئی موقع ہاتھ سے جانے نہیں دیتے تاہم ان مخالفین میں ایک اور اداکارہ ژالے سرحدی بھی شامل ہو گئیں ہیں جنہوں نے ارطغرل میں حلیمہ خاتون کا کردار ادا کرنے والی تُرک اداکارہ اسرا بلجیک کو پاکستانی فون کمپنی کی برانڈ ایمبیسیڈر بنانے پر ناراضگی کا اظہار کیا ہے-
اس حوالے سے ژالے سرحدی کا کہنا ہے کہ اسرا بلجیک کو پاکستانی کپمنیوں کی برانڈ ایمبیسیڈر بن کر ہمارے منہ پر طمانچہ مارا گیا ہے-
یاد رہے کہ اسرا بلجیک کو ابھی تک پاکستان میں تین بڑے برانڈز کے برانڈ ایمبیسیڈر کے طور پر شامل کیا گیا ہے۔ کیو موبائل کے بعد ، اداکارہ پاکستان کی سب سے بڑی ٹیلی کام کمپنی جاز کی نمائندگی بھی کر رہی ہیں اور جلد ہی پی ایس ایل کرکٹ ٹیموں میں سے ایک کے برانڈ ایمبیسیڈر کی حیثیت سے نظر آئیں گی-
