جعلی راجکماری، شہزادہ اور مولانا جعلی اتحاد کو مل کر دفنائیں گے, آخر فردوس عاشق اعوان کا کیا کہنا ہے ؟؟

کرپشن کرنیوالے شیطانوں کی بیٹھک،کرپٹ ٹولے کے فیصلوں پر جوتیوں میں دال بٹے گی:فردوس عاشق اعوان
پی ڈی ایم کی ”پہاڑی“ سے آج بھی مرا ہوا چوہا ہی نکلے گا،پی ڈی ایم کا”جنازہ“ذرا دھوم سے نکلے گا،یہ ٹولہ دیوار سے ٹکریں ماررہا ہے
وہ دن قریب آگئے ہیں جب جعلی راجکماری،شہزادہ اور مولانا جعلی اتحاد کو مل کر دفنائیں گے، چوروں کی وکالت کرنیوالی کینزائیں بھی رو رہی ہیں
لاہور4فروری:وزیراعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان نے ایک بیان میں کہاہے کہ آج کرپشن کرنے والے شیطانوں کی بیٹھک ہو رہی ہے اور کرپٹ ٹولے کے فیصلوں پر جوتیوں میں دال بٹے گی-پی ڈی ایم کی ”پہاڑی“ سے آج بھی مرا ہوا چوہا ہی نکلے گا اورپی ڈی ایم کا”جنازہ“ذرا دھوم سے نکلے گا-انہوں نے کہاکہ وہ دن قریب آگئے ہیں جب جعلی راجکماری، شہزادہ اور مولانا جعلی اتحاد کو مل کر دفنائیں گے-چور ٹولے کو اب اپنے کھوکھلے نعروں سے بھاگنے کا راستہ بھی نہیں مل رہا -یہ لٹیرے سیاست کی بند گلی میں پھنس چکے ہیں اورعقل سے پیدل ٹولہ دیوار سے ٹکریں ماررہا ہے-ان چوروں کی وکالت کرنے والی کنیزائیں بھی اب رو رہی ہیں – انہوں نے کہاکہ مسترد شدہ ٹولے کے درمیان دراڑیں وقت گزرنے کے ساتھ گہری ہو رہی ہیں اوراس ٹولے کا ہر ہتھیار زنگ آلود ہو چکا ہے-انہوں نے کہاکہ یہ ٹولہ این آر او کی بھیک مانگتے مانگتے در بدر ٹھوکریں کھا رہاہے – سیاسی بونوں کی حیثیت پوری قوم دیکھ چکی ہے- ان کی دال نہ پہلے گلی نہ آئندہ گلے گی-انہوں نے کہاکہ اپوزیشن کو اپنے دور میں عوام کی کمائی ہضم کرتے وقت ذرا بھی خدا کا خوف نہیں آیا،یہ عناصر جتنا مرضی شور مچا لیں این آر او نہیں ملے گا-