فخر عالم نے بھی کراچی میں لوڈشیڈنگ کے خلاف اپنی آواز بلند کردی

پاکستان کے معروف اعجاز اسلم کے بعد اب نامور گلوکار و اداکار فخر عالم نے بھی کراچی میں لوڈشیڈنگ کے خلاف اپنی آواز بلند کردی ہے ۔

باغی ٹی وی : سماجی رباطے کی ویب سائٹ ٹوئٹر پر فخر عالم نے لکھا کہ میں یہ دیکھ کر حیران ہوں کہ اس ترقی یافتہ دور میں بھی دُنیا کے سب سے بڑے شہر کراچی کے شہریوں کو روازنہ کی بنیاد پر لوڈشیڈنگ کے بڑے مسائل کا سامنا کرنا پڑ رہا ہے تو ان حالات میں کراچی کے شہری کو کیسا محسوس کررہے ہوں گے۔


اُنہوں نے لکھا کہ میں کسی پر الزام تراشی نہیں کررہا ہوں بلکہ یہ افسوسناک اور مایوس کن ہے کہ شہریوں کو بجلی ، پانی ، پٹرول اور گیس کے لئے احتجاج کرنا پڑتا ہے۔


فخر عالم کے ٹوئٹ پر کراچی میں مقیم ٹوئٹر صارفین نے اپنا ردعمل دیتے ہوئے لکھا کہ ہم آپ کے شُکر گزار ہیں کہ آپ نے کراچی کے شہریوں کے لیے آواز اُٹھائی کراچی کے لوگ الیکٹرک کی وجہ سے ہم بے بس اور بے یارو مددگار ہوگئے ہیں۔


جبکہ ایک صارف نے لکھا کہ ہم یہاں کراچی میں بالکل ٹھیک ہیں ، بجلی ، گیس اور پانی کی کمی نہیں۔ براہ کرم معلومات کے بغیر ان ٹویٹس سے پرہیز کریں۔

واضح رہے کہ کراچی میں جاری اعلانی اور غیر اعلانی لوڈشیڈنگ سے شہری سخت پریشان ہیں

کیا مافیا چلانے والے لوگ ریاست سے زیادہ طاقتور ہیں؟ اداکار اعجاز اسلم کا وزیراعظم عمران خان سے سوال

جواب چھوڑیں

آپ کا ای میل ایڈریس شائع نہیں کیا جائے گا.