فرحان سعید نے گلگت بلتستان کے طالبعلموں کے لئے آواز بلند کر دی

گلگت بلتستان میں انٹرنیٹ کی کم رفتار کے باعث آن لائن کلاسز لینے والے طالب علم پریشانی کا شکار ہیں طالبعلموں کی پریشانی کو دیکھتے ہوئے پاکستان شوبز انڈسٹری کے معروف اداکار و گلوکار فرحان سعید نے انٹر نیٹ بحران کے خلاف آواز بُلند کر دی-

باغی ٹی وی : سماجی رابطے کی ویب سائٹ ٹوئٹر پراسلام آباد نام کے اکاؤنٹ سے ایک پوسٹ شئیر کی گئی جس میں طالبعلم آن لائن کلاسز لینے کے لئے انٹرنیٹ کی رفتار کی کمی کی وجہ سے پہاڑ کے چوٹی پر بیٹھی ہیں گلوکار فرحان سعید نے اس پوسٹ پر اپنا رد عمل دیتے ہوئے لکھا کہ گلگت بلتستان میں انٹرنیٹ کا شدید بحران سمجھ سے باہر ہے۔


اداکار و گلوکار نے حیرانی کا اظہار کرتے ہوئے لکھا کہ ایک ایسے یعنی کوویڈ 19 کے دور میں کہ جب دنیا کا آدھا کاروبار آن لائن ہورہا ہے جبکہ گلگت بلتستان کے لوگ انٹر نیٹ کی کم فراہمی پر پریشان ہیں

فرحان سعید نے لکھا کہ یہ ایک ایسا مسئلہ ہے جس کیلئے فوری طور پر اقدامات کرنے کی ضرورت ہے۔

واضح رہے کہ گلگت بلتستان میں انٹرنیٹ کی کم رفتار کی وجہ سے آن لائن کلاسز لینے والے طالب علم پریشانی کا شکار طالب علم سوشل میڈیا پر اپنی پریشانی کا اظہار کرتے ہوئے بتاتے ہیں کہ انہیں اپنی کلاس لینے کیلئے کئی میل پیدل سفر کرنا پڑتا ہے۔

جواب چھوڑیں

آپ کا ای میل ایڈریس شائع نہیں کیا جائے گا.