ویڈیو شئیرنگ ایپ ’ٹک ٹاک‘ کو ماضی میں کینسر قرار دینے والے اداکار فیروز خان بھی ایپ کا حصہ بن گئے-
باغی ٹی وی :ٹک ٹاک کو پاکستان میں جہاں متنازع ایپ کے طور پر دیکھا جاتا ہے، وہیں مذکورہ ایپ نئی نسل میں سب سے زیادہ مقبول بھی ہے اور آئے دن اس کے صارفین میں اضافہ دیکھا جا رہا ہے ٹک ٹاک پر ملک میں گزشتہ چند سال سے متعدد بار ’فحاشی‘ پھیلانے کے الزام میں پابندی بھی عائد ہو چکی ہے، تاہم بعد ازاں اس سے پابندی ہٹائی جاتی رہی ہے۔
Tik tok is cancer. I repeat, cancer ! pic.twitter.com/5hx1EQqgb6
— Feroze Khan (@ferozekhaan) February 26, 2020
اداکار فیروز خان بھی ماضی میں ٹک ٹاک کو ’کینسر‘ قرار دے چکے ہیں، انہوں نے دو سال قبل فروری 2020 میں ٹک ٹاک پر اپنی متنازع ویڈیوز شیئر کرنے والی لڑکیوں کی تصاویر ٹوئٹ کرتے ہوئے ایپ کو ’کینسر‘ قرار دیا تھا، تاہم اب انہوں نےبھی ایپ پر اپنا اکاؤنٹ بنا لیا ہے-
اقراعزیز سیریل کلرکی زندگی پر مبنی فلم”جاوید اقبال” پر پابندی لگنے پر…
فیروز خان نے دو دن قبل شارٹ ویڈیو شیئرنگ ایپلی کیشن پر اپنا اکاؤنٹ بنایا اور اسے اب تک ایک لاکھ کے قریب افراد فالو کر چکے ہیں فیروز خان بھی دیگر شوبز شخصیات کی طرح ٹک ٹاک پر بلیو ٹک کے ساتھ شامل ہوئے، یعنی ان کے اکاؤنٹ کو انتظامیہ نے تصدیقی اکاؤنٹ کا لیبل بھی فراہم کردیا۔
فلم کےگانےشئیرہونے پرگوگل اور یوٹیوب سمیت 6 افراد کیخلاف مقدمہ درج
فیروز خان نے اپنے اکاؤنٹ پر 2 فروری کی شب تک صرف ایک ویڈیو ہی اپ لوڈ کی تھی، جس میں انہیں صوبہ سندھ کے دارالحکومت کراچی میں غریب افراد میں بریانی تقسیم کرتے ہوئے دیکھا جا سکتا ہے فیروز خان کی جانب سے شیئر کی گئی مختصر دورانیے کی ویڈیو میں پس منظر میں عاطف اسلم کا کلام سنائی دیتا ہے اور اداکار اپنی لینڈ کروزر میں بیٹھ کر غریبوں میں کھانا تقسیم کرتے دکھائی دیتے ہیں۔
اداکار کی پہلی اور اب تک کی واحد ویڈیو کو دو دن کے اندر 17 لاکھ سے زائد بار تک دیکھا جا چکا ہے۔
اسموکنگ کی ویڈیو وائرل ہونے کے بعد آئٹم نمبر کی پیشکش ہوئی،علیزے شاہ
