فائرنگ کی روک تھام، امریکی سینیٹ سے گن کنٹرول کا بل منظور

فائرنگ کی روک تھام، امریکی سینیٹ سے گن کنٹرول کا بل منظور

باغی ٹی وی کی رپورٹ کے مطابق امریکا میں فائرنگ کے بڑھتے واقعات کی روک تھام کے لئے امریکی سینیٹ میں گن کنٹرول بل منظور کیا گیا ہے

امریکی سینیٹ میں گن کنٹرول بل کی منظوری کو 30 سالوں میں سب سے اہم قانون سازی کہا جا رہا ہے ، امریکی سینیٹ میں ڈیموکریٹس کو ا س بل کی منظوری کے لئے 15 ریپبلکنز کی حمایت بھی حاصل تھی جس کی وجہ سے یہ قانون سازی 65 ووٹوں سے منظور ہوئی، اس بل کی مخالفت میں 33 ووٹ ایوان میں پڑے ،امریکی سینیٹ سے گن کنٹرول بل کو کانگریس کی منظوری کے بعد ایوان نمائندگان سے بھی پاس ہونا ہو گا جس کے بعد امریکی صدر جو بائیڈن اس پر دستخط کریں گے اور یہ باقاعدہ قانون کی شکل اختیار کر لے گا

دوسری جانب امریکی سپریم کورٹ نے اسلحہ رکھ کر عوام کے درمیان جانے کے حق میں فیصلہ سنا دیا، امریکی سپریم کورٹ نے فیصلے میں کہا کہ ذاتی دفاع کیلئے شہریوں کواسلحہ لے جانے کا حق ہے عوام میں اسلحہ لے کر جانا امریکیوں کا بنیادی حق ہے امریکی آئین اسلحہ رکھنے اورعوام میں لے جانے کے حق کی ضمانت دیتا ہے

امریکی سپریم کورٹ کے فیصلے پرامریکی صدر جوبائیڈن نے مایوسی کا اظہار کرتے ہوئے کہا کہ اسلحےسے متعلق سپریم کورٹ کے فیصلے پر مایوسی ہوئی امریکی ریاستیں اسلحہ سے متعلق قانون سازی کرکے نفاذ کریں۔

واضح رہے کہ تین روز قبل بھی امریکی ریاست الاباما کے شہر ویسٹاویا ہلز کے چرچ میں مسلح شخص کی فائرنگ سے 2 افراد ہلاک جبکہ ایک زخمی ہوگیا تھا، امریکا میں 2022 میں فائرنگ کے واقعات میں 18 ہزار سے زائد افراد ہلاک ہو چکے ہیں جبکہ گزشتہ ہفتے اسکول ، یونیورسٹی اور اسپتال میں فائرنگ سے کئی افراد ہلاک ہو چکے ہیں اور ان واقعات میں مسلسل اضافہ ہو رہا ہے

پولیس کا قحبہ خانے پر چھاپہ،14 مرد، سات خواتین گرفتار

خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

جناح ہسپتال کا ڈاکٹر گرفتار،نرسز، لیڈی ڈاکٹرز کی پچاس برہنہ ویڈیو برآمد

خواتین نرسزکی ویڈیو بنا کر بلیک میل کرنیوالے ملزم کی ضمانت پر ہوئی سماعت

ہنی مون پر گئے نوجوان نے موبائل فون خریدنے کیلئے بیوی کو فروخت کر دیا