کراچی: کمشنر کراچی نے فلور ملوں کے آٹے کی ایکس مل قیمت 95 روپے فی کلو مقرر کردیا۔
باغی ٹی وی : کمشنر کراچی نے آٹے کی سرکاری قیمت کا نوٹیفکیشن جاری کیا ہے، نوٹیفکیشن کے مطابق فلور ملوں کے آٹے کی ایکس مل قیمت 95 روپے فی کلو جبکہ خوردہ قیمت 98 روپے فی کلو مقرر کی گئی ہے-
نوٹیفکیشن کے مطابق چھوٹی چکیوں کے لیے آٹے کی خوردہ قیمت 105 روپے فی کلو مقرر کردی گئی ہے-
مارکیٹ میں گندم کی سپلائی بہتر ہونے سے آٹے اور گندم کی قیمتوں میں کمی کا رجحان جاری ہے تاہم قیمتیں گزشتہ دو، تین ماہ کے مقابلے میں اب بھی زائد اور کم آمدن طبقہ کی پہنچ سے باہر ہیں شہر کے مختلف علاقوں میں چکی کا آٹا 125 روپے فی کلو فروخت ہورہا ہے جبکہ فائن آٹا 115 سے 120 روپے کلو فروخت ہورہا ہے۔
