حیدر آباد میں گھر کے اندر گیس لیکیج کے سبب خوفناک آگ بھڑک اٹھی جس کے نتیجے میں پانچ افراد جھلس کر جاں بحق اور متعدد زخمی ہوگئے-
باغی ٹی وی : پولیس کے مطابق حیدر آباد کے علاقے غریب آباد میں واقع ایک گھر کے اندر گیس لیکیج کے سبب آتشزدگی کا واقعہ پیش آیا ہے جس سے دو خواتین، ایک بچی اور ایک مرد جاں بحق جبکہ چار بچے زخمی ہوگئے۔
پولیس موبائل پرفائرنگ،اے ایس آئی شہید
پولیس کے مطابق کراچی کے نجی اسپتال میں زیر علاج چار میں سے تین بچوں کی حالت تشویش ناک ہے، آگ سول اسپتال کے پیرا میڈیکل اسٹاف ایسوسی ایشن کے جنرل سیکرٹری روی تنبولی کے گھر میں لگی آتشزدگی میں جاں بحق افراد میں روی تنبولی کے والدین، بہن، بھابھی اور کمسن بھتیجی شامل ہے-
کراچی: خاتون سمیت 7 مسلح ملزمان گھر سے 56 لاکھ روپے نقد، 28 تولہ سونا،4 موبائل فونزلوٹ کر فرار
دوسری جانب ساہیوال میں اغوا ہونے والی 15 سالہ خانہ بدوش لڑکی کو مبینہ زیادتی کے بعد قتل کر دیا گیا ساہیوال پولیس کے مطابق 15 سالہ اقرا ایک روز قبل اپنے والدین کے ساتھ قبرستان سے واپس جھگیوں میں آئی تو غائب ہوگئی، اگلے روز مزدور پلی کے قریب سے لڑکی تشویشناک حالت میں ملی جو اسپتال پہنچنے سے پہلے ہی دم توڑ گئی۔
مردان میں شادی والے گھر میں چھت گرنے سے دو بچے اور خاتون جاں بحق
ڈی پی او ساہیوال کا کہنا ہے کہ لڑکی کو نشہ آور چیز کھلا کر قتل کیا گیا، لڑکی کے ساتھ زیادتی ہوئی یا نہیں پوسٹ مارٹم رپورٹ کے بعد حقائق سامنے آئیں گے دو ملزمان کے خلاف مقدمہ درج کر لیا گیا، ایک رکشہ ڈرائیور کو گرفتار کر لیا گیا جبکہ دوسرے ملزم کی گرفتاری کے لیے چھاپےجاری ہے۔
