"اسد عمر اور سینئر قیادت کے حکم پر توڑ پھوڑ کی”؛ گرفتار کارکن کا اعتراف

اسد عمر اور سینئر قیادت کے حکم پر توڑ پھوڑ کی؛ گرفتار پی ٹی آئی کارکن کا اعتراف

عمران خان کی جوڈیشل کمپلیکس میں پیشی کے موقع پر پی ٹی آئی کارکنوں کی جانب سے پولیس پر پتھراؤ کیا اور املاک کو نقصان بھی پہنچایا گیا تھا جبکہ جوڈیشل کمپلیکس میں توڑ پھوڑ کے معاملے میں پی ٹی آئی رہنماؤں اور کارکنوں کی گرفتاریوں کا سلسلہ جاری ہے جن میں پی ٹی آئی کے مقامی رہنما نصیر جنجوعہ بھی شامل ہیں جنہیں آج صبح شاہ اللہ دتہ سے گرفتار کیا گیا تھا۔

Asad Umar ordered us to stop the police at any cost during Imran Khan appearance, we demolished public property and assaulted the police, am ashamed: Naseer Janjua pic.twitter.com/CCI1Qps7AQ

— Murtaza Ali Shah (@MurtazaViews) March 19, 2023

نصیر جنجوعہ کی ویڈیوز سوشل میڈیا پر وائرل ہوئی تھیں جس میں انہیں پی ٹی آئی کارکنوں کو اشتعال انگیزی پر اکساتے دیکھا جا سکتا ہے۔ تاہم اب نصیر جنجوعہ کی ایک اور ویڈیو منظر عام پر آئی ہے جو پولیس نے ریکارڈ کی ہے جس میں انہیں گزشتہ روز جوڈیشل کمپلیکس میں کی جانے والی توڑ پھوڑ اور ہنگامہ آرائی پر ندامت کا اظہار کرتے اور معافی مانگتے دیکھا جا سکتا ہے۔

باغی ٹی وی کو موصول ویڈیو میں نصیر جنجوعہ کو کہتے سنا جا سکتا ہے کہ اسد عمر اور پی ٹی آئی قیادت نے حکم دیا تھا پولیس فورس کو آگے نہیں آنے دینا، ہم نے بہت پتھراؤ کیا اور گاڑیوں کو بھی نقصان پہنچایا، گزشتہ روز عمران خان کی پیشی کے موقع پر توڑ پھوڑ اسد عمر کے حکم پر کی تھی جو ہمیں نہیں کرنی چاہیے تھی کیونکہ اس سے نقصان ہمارے اپنے ملک کا ہی ہوا ہے۔
مزید یہ بھی پڑھیں؛
عمران خان کہتے تھےعدالت جاؤں گا تو قتل ہوجاؤں گا اب کل پیش ہوئے تو کیا قتل ہوگئے؟ مریم اورنگزیب
ایکواڈوراورپیرو میں زلزلہ،15 افراد ہلاک اور 125 سے زائد زخمی،بلوچستان میں بھی زلزلے کے جھٹکے
جوڈیشل کمپلیکس سانحہ: امجد نیازی سمیت تمام ملزمان کو جوڈیشل ریمانڈ پر اڈیالہ جیل بھیجنےکا حکم
ٹیم غازی نے نیشنل برج فیڈریشن آف ایشیاء اینڈ مڈل ایسٹ چیمپئن شپ میں کوالیفائی کرلیا
پاکستان اور کرغزستان علاقائی اقتصادی انضمام میں کلیدی کردار ادا کر سکتے. مہر کاشف
گردوں کے مریضوں کے لیے ڈائیلیسز کی لاگت میں 40 فیصد اضافہ
یاد رہے کہ گزشتہ روز توشہ خانہ کیس کی سماعت کے دوران عمران خان کی عدالتی حاضری والی فائل گم ہونے کی اطلاعات سامنے آئی تھیں تاہم بعد میں فائل وکیل گوہر خان کے ہاتھ میں دیکھی گئی تھی۔ ایڈیشنل سیشن جج ظفر اقبال نے توشہ خانہ کیس میں عمران خان کے وارنٹ گرفتاری منسوخ کرتے ہوئے ان پر فرد جرم کی کارروائی بھی مؤخر کر دی ہے اور کیس کی سماعت 30 مارچ تک ملتوی کر دی گئی ہے۔