گوجرہ: ٹریفک حادثہ میں خاتون سمیت پانچ افراد شدید زخمی

گوجرہ باغی ٹی وی (نامہ نگار عبدالرحمن جٹ ) ٹریفک حادثہ میں خاتون سمیت پانچ افراد شدید زخمی ہو گئے۔معلوم ہواہے کہ چک نمبر254گ ب سے کارمیں سوارعابد علی،ربیعہ بی بی،عامرمحمد،زبیراورقیصر علی براستہ مونگی بنگلہ گوجرہ چک نمبر33ج ب جا رہے تھے کہ مونگی روڈ کے اڈا بشیرآباد کے قریب مخالف سمت سے آنیوالی گاڑی سے ٹکر ہو گئی جس کے نتیجہ میں کار سوارتمام افراد شدید زخمی ہو گئے۔حادثہ کی اطلاع ملتے ہی 1122ریسکیو کے جوان موقع پر پہنچے اورشدید زخمیوں کو فوری طور پر تحصیل ہیڈ کوارٹرز ہسپتال گوجرہ منتقل کیا جہاں پر انہیں طبی امدادکی فراہمی جاری ہے۔دونوں گاڑیاں بری طرح سے تباہ ہو گئیں صدر پولیس گوجرہ نے گاڑیاں اپنے قبضہ میں لے لیی ہیں اورمصروف کارروائی ہے۔