راولپنڈی؛ نیوائیر نائٹ پر خاتون کی آٹھویں منزل سے حادثاتی ہلاکت قتل نکلا

راولپنڈی؛ نیوائیر نائٹ پر خاتون کی آٹھویں منزل سے حادثاتی ہلاکت قتل نکلا

راولپنڈی کے تھانہ روات کے علاقے کی نجی ہاؤسنگ سوسائٹی میں نیوائیر نائٹ پر خاتون کی آٹھویں منزل سے گِر کر ہلاکت کا واقعہ حادثہ نہیں بلکہ قتل نکلا ہے۔ پولیس نے بھائی کی درخواست پر نجی کمپنی جہاں پر مقتولہ ملازمت کرتی تھی، مالکان و انتطامیہ کے خلاف قتل کا مقدمہ درج کرلیا ہے۔ مدعی مقدمہ کا کہنا ہے کہ ہمشیرہ صنم ناز ہاشی گروپ آف کمپنیز میں ریسپشنسٹ کی حیثیت سے ملازمت کرتی تھی۔

مدعی کا کہنا ہے کہ ہمشیرہ نے چھوٹی بہن کو بتایا تھا کہ نجی ہاوسنگ سوسائٹی میں زیر تعمیر پلازہ میں نیوائیر نائٹ کا فنکشن ہے، جس میں چیئرمین، ایڈمن انچارج، ایڈمن آفیسر وغیرہ بھی شریک ہوں گے۔ ہمشیرہ نے فنکشن میں پہنچ کر بھی چھوٹی بہن کو اطلاع بھی دی۔ نجی ٹی وی کی خبر کے مطابق مدعی نے درخواست میں کہا کہ متعدد بار مقتولہ سے چھوٹی بہن نے رابطہ کرنے کی کوشش کی تاہم رابطہ ممکن نہ ہوا، رات 2 بجے چیئرمین کمپنی ہاشم رضا، ایڈمن انچارج خورشید دورانی، وغیرہ گھر آئے اور کہا صنم ناز حادثے میں زخمی ہوگئی ہے۔ جب اسپتال پہنچے تو نعش مردہ خانے میں موجود جس پر زخموں کے نشانات تھے۔
مزید یہ بھی پڑھیں؛
ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
اسلام آباد میں آج موسم شدید سرد اور خشک رہے گا
فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے
اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
تدفین وغیرہ سے فارغ ہوئے توپتہ چلا کہ کمپنی کے افراد نے باہم صلاح مشورہ ہو کر مبینہ طور پر ہوس کی تسکین نہ ہونے پر مقتولہ کو آٹھویں منزل پر لفٹ کی جگہ سے دھکا دیکر واقعہ کو حادثہ کا رنگ دیا۔ دوسری جانب پولیس کا کہنا ہے کہ پوسٹمارٹم کے بعد مقدمہ درج کرلیا گیا ہے جبکہ ملزمان سے تفتیش جاری ہے۔