ننکانہ:بجلی،گیس کی قیمتوں میں کئی گنا اضافہ ،عوام کے سا تھ ظلم ہے، حافظ فاران سہیل

ننکانہ صاحب، باغی ٹی وی (نامہ نگار احسان اللہ ایاز )بجلی،گیس کی قیمتوں میں کئی گنا اضافہ ،عوام کے سا تھ ظلم ہے، صاحبزادہ حافظ فاران سہیل

حکمران اور اشرافیہ عیاشی کررہی عوام ایک پنکھا چلانے کی سکت بھی کھو چکی ہے، ضلعی صدر پاکستان سنی تحریک ننکانہ صاحبزادہ حافظ فاران سہیل نے کہا ہے کہ عوام بل ادا کریں یا بچوں کو پالیں ،حکمران عوام کو ریلیف دینے والے اقدامات کریں اور عوام کی بدعائوں سے بچیں،

انہوں نے کہا کہ بجلی اور گیس کے بلوں نے عوام کی چیخیں نکلوادی ہیں،بجلی اور گیس کی قیمتوں میں کئی گنا اضافہ عوام کے سا تھ ظلم ہے عوام بل ادا کریں یا بچوں کو پالیں ،حکمران عوام کو ریلیف دینے والے اقدامات کریں اور عوام کی بدعاؤں سے بچیں۔

انہوں نے کہاکہ حکمران اور اشرافیہ عیاشی کررہی عوام ایک پنکھا چلانے کی سکت بھی کھو چکی ہے، سیاست دان بدمست ہاتھی کی طرح اقتدار جنگ میں مصروف ہیں عوام کا کوئی پرسان حال نہیں ہے

بجلی اور سوئی گیس کے بلوں کی ادائیگی غریب مزدور طبقے اور متوسط کاروباری و چھوٹے سرکاری اور غیر سرکاری ملازمین کی پہنچ سے دور ہو گئی ہے۔

انہوں نے کہاکہ بجلی اور گیس کے مہنگے ترین بلوں نے غریب عوام کو فاقہ کشی پر مجبور کر دیا ہے۔ نومنتخب حکومت فوری طور پر بجلی اور سوئی گیس کے قیمتوں کو کم کر کے عوام کو ریلیف دے