حلیم عادل کی رہائی کیلئے ٹویٹر ٹرینڈ نے وزیراعظم کو بھی "جگا” دیا،وزیراعظم کا گورنر سے رابطہ
باغی ٹی وی کی رپورٹ کے مطابق وزیراعظم عمران خان کامشیر پارلیمانی امور ڈاکٹر بابر اعوان سے رابطہ ہوا ہے
ٹیلیفونک گفتگو میں اسمبلی کے جاری اجلاس، آئینی اور قانونی امور سمیت سینیٹ انتخابات پر مشاورت کی گئی،وزیراعظم عمران خان کا کہنا تھا کہ اوپن ووٹنگ سینیٹ میں ہارس ٹریڈنگ روکنے کا واحد راستہ ہے،سینیٹ انتخابات ہائی جیک کرنے والے جمہوریت پر دھبہ ہیں،
ٹیلیفونک گفتگو میں اپوزیشن لیڈرسندھ اسمبلی حلیم عادل شیخ کی گرفتاری پر بھی بات چیت کی گئی،بابر اعوان نے پی ٹی آئی ورکرز کی جانب سے حلیم عادل کی گرفتاری پر تشویش سے آگاہ کیا
قبل ازیں وزیر اعظم عمران خان نےگورنر سندھ کو ٹیلیفون کیا ہے،وزیر اعظم عمران خان نے حلیم عادل شیخ کی صحت کے حوالے سے اظہار تشویش کیا،گورنر سندھ عمران اسماعیل نے وزیراعظم کو موجودہ تمام صورتحال سے آگاہ کیا،گورنر سندھ عمران اسماعیل کا کہنا تھا کہ سندھ پولیس آئی جی سندھ کی سربراہی میں جانبداری کا مظاہرہ کر رہی ہے، آئی جی سندھ سیاسی سرگرمیوں میں ملوث ہیں
وزیر اعظم عمران خان کی جانب سے گورنر کو کارروائی کی یقین دہانی کروائی گئی
دوسری جانب قائد حزب اختلاف حلیم عادل شیخ پر جیل میں تشدد کرنے پر ان کی بیٹی عائشہ حلیم شیخ نے کہا ہے کہ آج میرے والد کا یوم پیدائش کا دن ہے ہر سال کیک کاٹتے تھے۔ گزشتہ شب 12بجے سالگرہ کے وقت اسپتال ملنے گئے۔ عمیرے والد پر جیل میں موجود پی پی کے لوگوں نےحملہ کرکے قتل کرنے کی کوشش کی۔ جیل میں کچھ پولیس کے لوگوں نے والد کو ان غنڈوں سے بچالیا تھا۔ پیپلزپارٹی میرے والد کو جیل میں قتل کروانا چاہتی تھی۔
عائشہ حلیم عادل شیخ کا کہنا تھا کہ میرے والد کے جسم کے مختلف اعضاء پر زخم ہیں وہ چل نہیں سکتے۔ کل میرے والد کو سندھ حکومت نے قتل کروانے کی سازش کی تھی۔حلیم عادل شیخ سندھ کی عوام کی آواز بنتے ہیں یہ ان کا قصور ہے۔ حلیم عادل شیخ سندھ کی ہر جگہ جاکر سندھ حکومت کو بے نقاب کرتے ہیں یہ ان کا قصور ہے۔میرے والد کو کچھ بھی ہوا تو اس کی زمہ دار پیپلزپارٹی اور سندھ حکومت ہوگی۔
واضح رہے کہ 16 فروری کو کراچی کے سندھ اسمبلی کے حلقے پی ایس 88 ملیر میں ضمنی انتخاب کے دوران حلیم عادل شیخ کو پولیس نے گرفتار کیا تھا۔
دوسری جانب حلیم عادل شیخ کے بعد ان کے ساتھیوں کیخلاف بھی3مقدمات درج کئے گئے، مقدمات میمن گوٹھ تھانے میں سندھ آرمز ایکٹ کی دفعہ 23اے کے تحت درج کیے گئے۔گرفتار ملزمان میں محمود،غلام مصطفی اور رمضان شامل ہیں ، ملزمان کے نام دہشت گردی کےتحت درج ایف آئی آر میں بھی شامل ہیں ، حلیم عادل شیخ کیساتھ گرفتارہونیوالے ساتھیوں سے3ہتھیار ملےتھے، ایف آئی آرکےمطابق گرفتارپرائیوٹ سیکیورٹی اہلکارلائسنس پیش نہ کرسکے پولیس کا کہنا ہے کہ حلیم عادل شیخ کو ایک مقدمےمیں نامزد کیاگیا ہے جبکہ دیگر مقدمات حلیم عادل شیخ کےسیکیورٹی گارڈز کےخلاف درج کیے گئے ہیں
حلیم عادل شیخ کے کمرے سے سانپ نکلنے پر تحریک انصاف نے دیا سخت رد عمل
حلیم عادل شیخ کی عدالت پیشی،پراسیکیوٹر کی استدعا مسترد، عدالت نے کیا حکم دیا؟
سانپ کس نے اور کیوں چھوڑا؟ حلیم عادل نے خود بتا دیا، ایڈیشنل آئی جی کا تحقیقات کا حکم
حلیم عادل شیخ کو جیل میں کہاں رکھا گیا تھا؟ ایسا انکشاف کہ ….بیٹی نے بھی بڑی اپیل کر دی
مقدمے کے متن میں کہا گیا ہے کہ حلیم عادل شیخ اپنے ساتھی سمیرشیخ اور3 سے4مسلح افراد کے ساتھ گھوم رہےتھے، ان کےساتھ پولنگ اسٹیشن آنے والوں کےپاس لاٹھیاں بھی تھیں متن میں کہا ہے کہ حلیم عادل شیخ کےساتھ موجود مسلح افراد نے دہشت پھیلانے کےلیےفائرنگ کی، ہوائی فائرنگ سےعلاقے میں خوف وہراس پھیلا،اوربھگڈر مچ گئی، مسلح افراد نےڈیوٹی پر موجود اہلکاروں کوتشدد کانشانہ بنایااور وردیاں پھاڑ دیں مقدمے میں کہا گیا ہے کہ حلیم عادل شیخ کی ہدایت پرپولیس موبائل پرفائرنگ کی گئی،شیشےبھی توڑ دیے گئے، چاروں مقدمات تھانہ میمن گوٹھ کےایس ایچ او خالد عباسی کی مدعیت میں درج کیے
قائد حزب اختلاف حلیم عادل شیخ کے کمرے سے سانپ نکلے پر ایم این اے صائمہ ندیم نے کہا کہ حلیم عادل شیخ سے کمرے سے سانپ نکل آنا انتہائی تشویشناک ہے، الگتا ہے دانستہ طور پر حلیم عادل شیخ کے کمرے میں سانپ چھوڑا گیا ہے،ہر طرح سے حلیم عادل شیخ کو زیر کرنے کی سازشیں کی جارہی ہے۔ سپریم کورٹ سندھ پولیس کی انتقامی کارروائیوں پر سوموٹو ایکشن لے۔
پی ٹی آئی رہنما خرم شیر زمان کا کہنا تھا کہ پیپلزپارٹی اور مراد علی شاہ سے ہمیں جان کا خطرہ ہے، تھر میں بچے بھوک سے کیوں مررہےہیں، حلیم عادل شیخ کیلئے ناگ مراد علی شاہ نے بھیجا تھا، حلیم عادل شیخ نے ناگ مار دیا اور پولیس کو بلاکر دکھایا،
شیخ رشید کا حلیم عادل شیخ کے ساتھ ناروا سلوک کا نوٹس،بڑا حکم دے دیا
