پروفیشنل گروپ کے سربراہ حامد خان نے لاہور ہائیکورٹ میں میڈیا سے گفتگو کرتے ہوئے کہا ہے کہ پروفیشنل گروپ آئین کی بالادستی قانون کی حکمرانی اور عدلیہ کی آزادی کے لئے کھڑا ہے اور ہمیشہ کھڑا ر ہے گا۔
حامد خان کا کہنا تھا کہ آئین کی بالا دستی سے مراد ہے پاکستان کے تمام افراد اور ادارے آئین کے تابع ہیں اور اس سے ذرہ برابر روگردانی نہیں کر سکتے۔ آئین جمہور بیت ، جمہوری اقدار اور سویلین بالادستی پرمبنی ہے جو آئینی حدود میں رہتے ہوئے آزادانہ، منصفانہ اورشفاف انتخابات کرانے کی ضمانت دیتا ہے، قانون کی حکمرانی سے مراد ہے کہ پاکستان تمام شہری آئین کے تحت مساوی ہیں اور دوسرے شہریوں پر خصوصی یار عانتی درجے کا دھوئی نہیں کر سکتے،ہر شہری آئین کے تحت عدالتوں کے سامنے پیش ہونے کا پابند ہے اور فوجی عدالتوں کے تحت اس پر جرح نہیں ہو سکتی،جو منصفانہ ٹرائل اور آئین سے محفوظ قانونی عمل کی سراسر خلاف ورزی ہے۔ پاکستان میں کوئی بھی سول ملٹری یا جوڈیشل افسر قانون سے بالا تر نہیں۔ کوئی بھی ٹیکس دہندگان کے خر پے پر خصوصی مراعات یعنی مفت فیول بجلی ، گیس وغیرہ کا دعوی نہیں کر سکتا۔ اور یہ کہ ایسی مراعات اور پروٹو کول کو فی الفور واپس لیا،
حامد خان کا کہنا تھا کہ جج اپنے سامنے پیش مقدمات پر آئین اور قانون کا پاس رکھیں گے اور کوئی بھی بینچ قانون کے علاوہ دیگر معاملات کو زیر غور لانے کا مجاز نہ ہے۔ کسی بھی حکومت یا اس کے کسی افسران کو اپنے من پسند فیصلے لینے کے لئے اثر انداز ہونے ، انہیں مشورہ دینے یا دباؤ میں لانے کی اجازت نہ ہوگی اور ایسی کوشش کرنے والے مرتکب افراد سزا کے حقدار ہوں گے۔ کسی بھی عدالت کے تمام تر جوڈیشل فیصلوں پر مقننہ من و عن عمل کروائے گی اور حکومت کی مقننہ اور قانون ساز اداروں کے اراکین کو ایسے کسی فیصلے کی خلاف ورزی کی اجازت نہ ہوگی ،
حامد خان کا کہنا تھا کہ تمام نگران حکومتیں90 روز کےاختتام پر غیر فعال ہو جائیں گی فوجی عدالتوں کے سامنے شہریوں کا ٹرائل بندہونا چاہئے . فوجی حکام کے پاس گرفتار افراد کو سول حکام کے حوالے کیا جائے۔ سپریم کورٹ کےحکم کے باجود 14مئی کو الیکشن نہ کروانے والے ذمہ داروں کو سزا دی جائے
آپ یہ کہہ رہے ہیں کہ روزانہ کی بنیاد پر جج جو کیس سن رہے ہیں وہ جانبداری ہے ؟
آج پاکستان کی تاریخ کا اہم ترین دن ہے،
عمران خان کی گرفتاری کو اعلیٰ عدالت میں چیلنج کرنے کا اعلان
عمران خان کی گرفتاری کیسے ہوئی؟
چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا
پیپلز پارٹی کسی کی گرفتاری پر جشن نہیں مناتی
عمران خان کی سزا معطلی کی درخواست پر سماعت ہوئی
