کراچی خود کش حملہ،مقدمہ درج،حملہ ناکام پولیس نے بنایا یا سیکورٹی گارڈ نے؟

شہر قائد کراچی کے علاقے مانسہرہ کالونی میں گزشتہ روز ہونے والے خود کش دھماکےکا مقدمہ درج کر لیا گیا ہے اور واقعہ کی تحقیقات جاری ہیں

آئی جی سندھ غلام نبی میمن اور ایڈیشنل آئی جی کراچی عمران یعقوب منہاس نے کراچی کے علاقے لانڈھی میں واقع مانسہرہ کالونی میں دہشتگردوں کا حملہ ناکام بنانے اور بہادری سے لڑنے والی کراچی پولیس ٹیم سے ملاقات کی ،واقعہ میں کلیدی کردار ادا کرنیوالے پولیس کانسٹیبل قاسم حبیب کے لیئے پانچ لاکھ روپئے نقد انعام اور قائداعظم پولیس میڈل کی سفارش کی،آئی جی سندھ کا کہنا تھا کہ شاندار بہادری اور فرض شناسی کی اعلی مثال قائم کرنےپر میں سندھ پولیس خراج تحسین کی مستحق ہے.

موٹرسائیکل بلوچستان سے لائی گئی،پولیس کے چھاپے،دہشتگردوں نے دو دن قبل ریکی کی
مانسہرہ کالونی خود کش حملے کی تحقیقات کرنے والے ذرائع کا کہنا ہے کہ مقدمہ آج سی ٹی ڈی میں درج کر لیا گیا ہے اور بم ڈسپوزل اسکواڈ کی تفصیلی رپورٹ پیرکو پولیس کو جمع کرائی جائے گی،خودکش حملہ آور کی جیکٹ کا وزن 4 سے5کلو کے درمیان ہوسکتا ہے، دھماکاخیزمواد کے ساتھ بڑی مقدار میں بال بیرنگ استعمال کیے گئے ہیں،میڈیا رپورٹس کے مطابق واقعہ کے بعد گزشتہ شب پولیس نے مختلف علاقوں میں کاروائی کی، جہاں سے کچھ شواہد پولیس کو ملے ہیں، حملہ آور جس موٹر سائیکل پر آئے تھے وہ بلوچستان سے لائی گئی تھی اور نمبر پلیٹ جعلی تھی، حملہ آوروں نے ریکی کر رکھی تھی، موٹرسائیکل اس سے قبل کسی واردات میں استعمال نہیں ہوئی،غیر ملکیوں پر حملے سے دو دن قبل دہشتگردوں نے حملے کی جگہ پر ریکی کی،دہستگردوں نے لانڈھی مانسہرہ کالونی کی مکمل ریکی کی،دہستگرد دو دن قبل 17اپریل کو حملہ کرنے کی جگہ پر گئے اور مکمل ریکی کی،حملے میں استعمال ہونے والی موٹر سائیکل کے مالک کی تلاش میں تحقیقاتی اداروں نے مختلف علاقوں میں چھاپے مارے،

حملہ ناکام بنانے میں سب سے اہم کردار شہید سیکیورٹی گارڈ نے ادا کیا
میڈیا رپورٹس کے مطابق کراچی حملہ کی ابتدائی تحقیقات میں انکشاف ہوا ہے کہ خود کش حملے کے وقت ڈبل روٹی سپلائی کرنے والی والی گاڑی غیر ملکیوں اور خود کش کے درمیان آگئی تھی،خودکش دھماکے کا زیادہ اثر ڈبل روٹی والی سوزوکی کے عقبی حصے پر آگی اگر ڈبل روٹی سے بھری سوزوکی گاڑی درمیان میں نہ آتی تو بڑا جانی نقصان ہوسکتا تھا، آئی جی سندھ نے عجلت میں حملے کی ناکامی کا سہرا پولیس کے سر ڈال دیا،حملہ ناکام بنانے میں سب سے اہم کردار شہید سیکیورٹی گارڈ نے ادا کیا،خودکش حملے کے بعد سیکیورٹی گارڈز نے دوسرے دہشت گرد کا مقابلہ کیا،پولیس کے پہنچنے تک دوسرا دہشت گرد زخمی ہوچکا تھا،دہشت گرد کو گردن پر گولی لگی تھی،دہشت گرد زخمی حالت میں بھی گولیاں چلا رہا تھا، اسی دورا ن پولیس پہنچی اور دہشت گرد کو سر پر گولی ماری،

پولیس کو تحقیقات کے دوران جائے وقوعہ سے 2 موبائل فون اور 3 سمز ملی ہیں،جیو فینسنگ میں 18 لوکیشن ملیں،دہشت گرد 2 افراد حب اور قائد آباد کے علاقے سے رابطے میں تھے،دہشت گرد غیر ملکیوں کی نقل و حرکات سے واقف تھے،واقعہ کا مقدمہ تھانہ سی ٹی ڈی میں درج کیا گیا ہے،مقدمے میں قتل، اقدام قتل، انسداد دہشتگردی، ایکسپلوزو ایکٹ اور دیگردفعات شامل کی گئی ہیں۔مقدمے میں ہلاک دہشتگرد، سہولت کار، کالعدم علیحدگی پسند تنظیم کےسرغنہ کو نامزد کیا گیا ہے

واضح رہے کہ پاکستان میں دہشت گردوں نے چینی لوگوں کو نشانہ بنانے کے بعد جاپانی لوگوں کو بھی نشانہ بنانا شروع کر دیا ۔کراچی کے علاقے لانڈھی کی مانسہرہ کالونی میں غیر ملکی شہریوں کی گاڑی کے قریب خودکش دھماکا ہوا، جس کے نتیجے میں 2 دہشتگرد ہلاک اور تین افراد زخمی ہوگئے۔

کراچی دہشت گردوں کا حملہ ، سی سی ٹی وی فوٹیج سامنے آ گئی
لانڈھی مانسہرہ کالونی میں غیر ملکیوں کی گاڑی پر خود کش دھماکے سے متعلق سی سی ٹی وی فوٹیج منظر عام پر آئی ہے، سی سی ٹی وی فوٹیج میں پولیس اہلکار کو دہشت گردوں سے فائرنگ کا تبادلہ کرتے دیکھاجاسکتا ہے، ویڈیو میں فائرنگ کی آوازیں بھی واضح طوپر سنی جا سکتی ہیں، دوسری جانب انچارج سی ٹی ڈی راجہ عمر خطاب کا کہنا ہے کہ غیر ملکی افراد تین گاڑیوں میں سفر کر رہے تھے، خود کش حملہ آور جائے وقوعہ کے قریب تھے اور موٹر سائیکل پر سوار تھے، گاڑیاں قریب آئیں تو سپیڈ بریکر ہونے کی وجہ سے آہستہ ہوئیں اس دوران حملہ کیا گیا، حملہ آور موٹرسائیکل پیچھے کھڑی کر کے آئے تھے،گولیاں چلیں تو گاڑی کے اندر سے سیکورٹی گارڈ نے جوابی حملہ کیا، سکیورٹی گارڈز کی فائرنگ سے ایک دہشت گرد مارا گیا، دوسرے دہشت گرد نے وین کے قریب آکر خود کو دھماکے سے اڑایا، حملہ آوروں کے پاس 6 دستی بم، ایس ایم جی اور 3 میگزین تھے، حملہ آوروں کے پاس پیٹرول کی 2 بوتلیں بھی تھیں، تمام چیزیں حملہ آوروں کے پاس موجود بیگ میں تھیں،

نواز شریف ہم قدم، بھتیجی بازی لے گئی، انقلاب آ گیا

بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے

متنازعہ ٹک ٹاکر حریم شاہ کی ایک اور نازیبا ویڈیو”لیک”

مریم نواز کا آٹھ سو کا سوٹ،لاہوری صحافی نے عظمیٰ بخاری سے مدد مانگ لی

مریم نواز تو شجر کاری مہم بھی کارپٹ پر واک کرکے کرتی ہے،بیرسٹر سیف

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

مہنگائی،غربت،عید کے کپڑے مانگنے پر باپ نے بیٹی کی جان لے لی

پسند کی شادی کیلئے شوہر،وطن ،مذہب چھوڑنے والی سیماحیدر بھارت میں بنی تشدد کا نشانہ

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری