مقبوضہ کشمیر: پلوامہ دستی بم حملے میں سی آر پی ایف اہلکارزخمی

سرینگر :مقبوضہ کشمیر: پلوامہ دستی بم حملے میں سی آر پی ایف اہلکارزخمی ,اطلاعات کےمطابق کی شام جنوبی کشمیر کے ضلع پلوامہ میں پولیس اسٹیشن کاک پورہ پر مشتبہ افراد نے دستی بم پھینکا جس سے نیم فوجی دستے کا ایک اہلکار زخمی ہوگیا

ساوتھ ایشین وائر کوایک پولیس اہلکار نے بتایا کہ دھماکے میں سی آر پی ایف کا ایک اہلکار سونو کمار زخمی ہوگیا۔انہوں نے بتایا کہ زخمی کو علاج کے لئے اسپتال منتقل کیا گیا۔

ذرائع کے مطابق مین گیٹ پر مامور پولیس اہلکاروں نے کچھ ہوائی فائر کئے۔ اہلکار نے بتایا کہ واقعے کے فورا بعد ہی پولیس نے حملہ آوروں کی گرفتاری کے لئے علاقے میں تلاشی کا کام شروع کیا۔

ساوتھ ایشین وائر کے مطابق پلوامہ میں 2000سے اب تک 136مختلف واقعات میں 181سیکورٹی فورسز کے اہلکار زخمی ہوئے ہیں۔