اسرائیلی صدر کے دورہ کے دوران حوثی باغیوں کا یو اے ای پر بیلسٹک میزائل حملہ

اسرائیلی صدر کے دورہ کے دوران حوثی باغیوں کا یو اے ای پر بیلسٹک میزائل حملہ

باغی ٹی وی کی رپورٹ کے مطابق حوثی باغیوں کی جانب سے یو اے ای پر حوثی باغیوں کی جانب سے بیلسٹک میزائل حملہ کیا گیا ہے جسے یو اے ای نے ناکام بنا دیا ہے

اماراتی وزارت دفاع کے مطابق فضا میں تباہ کیے جانے والے میزائل کا ملبہ غیرآباد علاقےمیں گرا اور خوش قسمتی سے کوئی جانی نقصان نہیں ہوا، متحدہ عرب امارات پر یہ تیسرا بیلسٹک میزائل حملہ تھا ،حوثی باغی یو اے ای پر ڈرون حملے بھی کر چکے ہیں، یہ حملہ ایسے وقت میں کیا گیا جب اسرائیلی صدر یو اے ای کے دورے پر ہیں ،یو اے ای حکام نے کامیابی سے میزائل حملے کو ناکام بنایا .خبر رساں ادارے کے مطابق حوثی باغیوں کو ایرانی حمایت حاصل ہے،

امریکا نے حوثی باغیوں کی جانب سے یو اے ای پر حملے کی مذمت ہے، 17 جنوری کو بھی ایک حملہ ہوا تھا ،یو اے ای کا کہنا ہے کہ ہمارا دفاع مستحکم ہے، اماراتی وزارت دفاع کا کہنا تھا کہ تازہ ترین میزائل حملہ آدھی رات کو روکا گیا اور اس کا ملبہ ایک غیر آباد علاقے پر گرا۔

UAE MOD Joint Operations Command announces at 00:50 UAE time the destruction of platform for ballistic missile launched from Al-Jawf, Yemen towards UAE. Missile was intercepted at 00:20 by air defences. Video of successful destruction of missile platform and launch site pic.twitter.com/CY1AoAzfrp

— وزارة الدفاع |MOD UAE (@modgovae) January 30, 2022

حوثی باغیوں کی جانب سے بیلسٹک میزائل حملہ ایسے وقت میں ہوا جب اسرائیل کے صدر ابوظہبی کے دورے پر ہیں اور انہوں نے ابوظہبی کے ولی عہد سے ملاقات کی اور سیکورٹی سمیت دوطرفہ تعلقات پر تبادلہ خیال کیا ہے،خبر رساں ادارے رائیٹرز کے مطابق ایک اسرائیلی اہلکار نے بتایا کہ اسرائیلی صدر نے ابوظہبی میں رات گزاری، اسرائیلی صدر کے دفتر کی جانب سے کہا گیا ہے کہ میزائل حملوں کے باوجود وہ یو اے ای کا دورہ جاری رکھیں گے،اسرائیلی صدر نے آج پیر کو دبئی ایکسپو کا بھی دورہ کرنا ہے

امریکی محکمہ خارجہ کے ترجمان نے ایک ٹویٹ کی ہے جس میں انہوں نے کہا ہے کہاسرائیل کے صدر پورے خطے میں استحکام کو فروغ دینے کے لیے متحدہ عرب امارات کا دورہ کر رہے ہیں، ایسے وقت میں حوثی حملے جاری رکھے ہوئے ہیں جس سے شہریوں کو خطرہ لاحق ہے۔

متحدہ عرب امارات کی سول ایوی ایشن اتھارٹی نے کہا کہ خلیجی ملک میں ہوائی ٹریفک معمول کے مطابق ہے اور تمام پروازیں معمول کے مطابق چل رہی ہیں۔متحدہ عرب امارات کی وزارت دفاع نے کہا کہ اتحادی جنگی طیاروں نے یمن میں موجود میزائل لانچروں کو تباہ کر دیا ہے۔

سعودی عرب پر بارہا میزائل اور ڈرون حملے کرنے والے حوثیوں نے خبردار کیا ہے کہ جب تک وہ یمن میں "مداخلت” بند نہیں کرتا وہ متحدہ عرب امارات کو نشانہ بناتے رہیں گے۔

دوسری جانب عرب فوجی اتحاد کی جانب سے 24 گھنٹوں میں حوثی باغیوں کے ٹھکانوں پر 25 ٹارگٹڈ حملے کرنے کا دعویٰ کیا گیا ہے۔اس کے علاوہ عرب اتحاد نے حوثی باغیوں کی 11 فوجی گاڑیاں اور 80 سے زیادہ باغیوں کو ہلاک کرنےکا دعویٰ بھی کیا ہے۔

واضح رہے کہ ہیرزوگ امارات کا دورہ کرنے والے پہلے اسرائیلی صدر ہیں اور ان سے پہلے اسرائیلی وزیراعظم نفتالی بینیٹ نے بھی دسمبر میں یو اے ای کا دورہ کیا تھا۔اسرائیل نے متحدہ عرب امارات کے ساتھ ساتھ بحرین کے ساتھ تعلقات کی بحالی کے لیے 2020 میں وائٹ ہاؤس میں معاہدوں پر دستخط کیے تھے، اس معاہدے کو "ابراہام ایکارڈ” کا نام دیا گیا تھا۔دونوں خلیجی ممالک اور اسرائیل خطے میں ایران اور اس کی اتحادی افواج و ملیشیا کے بارے میں یکساں تحفظات رکھتے ہیں۔

کرونا میں مرد کو ہمبستری سے روکنا گناہ یا ثواب

فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف