حمائمہ ملک کی اپنی غیر اخلاقی تصاویر پھیلانے والوں کیخلاف قانونی کاروائی کی دھمکی

پاکستان کی معروف اداکارہ حمائمہ ملک نے ان کی جعلی غیر اخلاقی تصاویر پھیلا نے والوں کے خلاف قانونی کارروائی کرنے کی دھمکی دی ہے۔

باغی ٹی وی : اداکارہ حمائمہ ملک کی انسٹااسٹوری کا ایک اسکرین شاٹ سوشل میڈیا پر گردش کررہا ہے جس میں حمائمہ ملک نے کہا ہے کہ میری کچھ تصاویر انٹرنیٹ پر گردش کررہی ہیں جنہیں بے ہودہ طریقے سے ایڈٹ کیا گیا ہے یہ نہایت شرم کی بات ہے لوگ ایسا کیسے کرسکتے ہیں۔

اداکارہ نے اپنی ایڈٹ کی ہوئی تصاویر کو شیئر کرنے والے سوشل میڈیا اکاؤنٹس کو قانونی کارروائی کی دھمکی دیتے ہوئے کہا میں ان فین پیجز سے درخواست کرتی ہوں کہ قانونی نوٹس لینے سے پہلے انہیں ابھی ہٹادیں۔

واضح رہے کہ حمائمہ ملک چند روز قبل آئی پی پی اے ایوارڈ کی تقریب میں شرکت کے لیے ترکی کے شہر استنبول میں موجود تھیں جہاں اپینڈکس پھٹنے کی وجہ سے وہ کئی گھنٹے اسپتال میں داخل رہی تھیں انہوں نے سوشل میڈیا پر اپنے تمام مداحوں سے جلد صحت یابی کے لیے دعا کی درخواست بھی کی تھی۔

حمائمہ ملک نے انسٹاگرام پوسٹ شیئر کرتے ہوئے بتایا تھا کہ حال ہی میں ان کی اپینڈکس کی کامیاب سرجری ہوئی ہےانہوں نے استنبول کے اسپتال میں 22 گھنٹے ریپچر اپینڈکس کی وجہ سے گزارےمیرے رب نے مجھے نئی زندگی دی ہے، مجھے دعاؤں کی سخت ضرورت ہے۔

اداکارہ نے حاسدین سے متعلق اپنی پوسٹ پر صارفین سے التجائیہ لہجے میں کہا تھا کہ نظر جان لے سکتی ہے، برائے مہربانی اپنے اور چاہنے والوں کیلئے دعا کرتے رہیں، نظر چلتا پھرتا بندہ مار سکتی ہے، پیار سے دیکھو، خدا سے ہر کسی کی خیر مانگو، اللہ کسی کو حسد کی نظر نہ لگائے۔ اس سارے واقعے میں، میں نے موت کو انتہائی قریب سے دیکھا۔