پشاور:اِنَّ صَلَاتِىْ وَنُسُكِىْ وَمَحْيَاىَ وَمَمَاتِىْ لِلّـٰهِ رَبِّ الْعَالَمِيْنَ:قوم کواللہ کےسوا کسی کےسامنےنہیں جھکنےدوںگا:ان خیالات کا اظہار چیئرمین تحریک انصاف عمران خان نے پشاور میں جلسے سے خطاب کرتے ہوئے کیا ، ان کا کہنا تھا کہ آج قوم میرے ساتھ کھڑی ہے، اس پر اللہ کا شکر ادا کرتا ہوں۔
سابق وزیراعظم عمران خان نے پشاورجلسے میں خطاب کرتے ہوئے کہا کہ مجھے نکالنے کی خوشی بھارت اوراسرائیل میں منائی گئی،میں نے پہلے ہی کہہ دیا تھا حکومت سے باہر زیادہ خطرناک ہو جاؤں گا۔عمران خان کا کہنا تھا کہ امپورٹڈ حکومت منظور نہیں ہے، الیکشن ہوا تو تم ہمیشہ کیلئے دفن ہوجاؤ گے۔
چیئرمین تحریک انصاف کا یہ بھی کہنا تھا کہ ڈیزل صاحب تم 30سال سے اسلام کابیچ رہے ہو جبکہ کلمہ ہمیں غیرت دیتا ہے، ہم کسی کے سامنے نہیں جھکیں گے۔
عمران خان نے کہا کہ کہا جاتا تھا عمران خان عوام میں جائیگا تو انڈے پڑیں گے، اب دیکھتے ہیں کس کو انڈے پڑتے ہیں۔ جب تک انتخابات نہیں ہوں گے میں سڑکوں پر نکلتا رہوں گا۔
انہوں نے یہ بھی کہا کہ دہشتگردی کیخلاف جنگ میں سب سے زیادہ قربانی کے پی نے دیں، میری خارجہ پالیسی اپنی قوم کیلئے تھی، میں کسی کیلئے اپنی قوم کو قربان نہیں کروں گا۔
عمران خان کا کہنا تھا کہ نوازشریف سمجھ رہا ہےاین آراو ٹو مل جائےگا، نوازشریف کسی غلط فہمی میں نہ رہنا میں تمہارا انتظار کررہا ہوں۔ میں سڑکوں پر ہوں تم سے زبردستی الیکشن کراؤں گا۔
ان کا یہ بھی کہنا تھا کہ اللہ کے سوا کسی خدا کو ہم نہیں مانتے، آج حقیقی آزادی کی جنگ کااعلان کررہا ہوں، ہم نےانہیں کامیاب ہونے دیا تو ہماری نسلیں معاف نہیں کرینگی۔
سابق وزیراعظم نے کہا کہ ہم مقروض اور غلام نہیں شہبازشریف تم غلام ہو، جوکرپٹ ہوتا ہے وہ جوتے پالش کرتا ہے اور تم چیری بلاسم ہو۔
عمران خان نے یہ بھی کہا کہ عوام ہفتےکوہرشہرمیں امپورٹڈ حکومت کےخلا ف باہرنکلیں، الیکشن کے اعلان تک ہم سڑکوں پررہیں گے۔
ان کا کہنا تھا کہ ان کوسازش کے تحت حکومت دلوائی گئی ، جب 400ڈرون حملے ہوئے تو زرداری اور نوازکے منہ سے آواز نہیں نکلی۔
عمران خان نے کہا کہ میرا جینا مرنا پاکستان میں ہے، امریکیوں ہمیں تمہاری معافی کی ضرورت نہیں ہے جبکہ میں چاہتا ہوں ٹیم میں دلیر لوگ ہوں جو اکیلے چوروں کا مقابلہ کرے۔
چیئرمین تحریک انصاف نے یہ بھی کہا کہ میں نے کبھی عوام کواداروں کے خلاف نہیں بھڑکایا،میں آزادعدلیہ کیلئے جیل گیا، عدلیہ سے پوچھتا ہوں آپ نے رات کوعدالت لگائی؟ میں پوچھتا ہوں میں نے کیا جرم کیا تھا کہ آپ نے رات کے 12بجے عدالت لگائی؟
ان کا کہنا تھا کہ جو لوگ حکومت میں آئے ہیں یہ سب ضمانت پر ہیں، شہبازشریف پر40ارب روپے کے کرپشن کےکیسزہیں۔ ہم شہبازشریف کی حکومت کوتسلیم نہیں کریں گے۔
عمران خان نے کہا کہ یہ باشعور قوم اور سوشل میڈیا کا پاکستان ہے، نوجوانوں کا منہ کوئی بند نہیں کرسکتا، شہبازشریف میں نے کال دیدی توتم کوچھپنے کی جگہ نہیں ملےگی۔
انہوں نے یہ بھی کہا کہ مجرموں اور ملزمان کی حکومت آگئی ہے، نوازشریف مجرم،بیٹااورداماد مفرروہیں، قوم ان ڈاکوؤں کی حکومت کوکبھی تسلیم نہیں کرےگی۔
سابق وزیراعظم کا کہنا تھا کہ قوم نے فیصلہ کرنا ہے ہم آزادی چاہتے ہیں یاغلامی، اتوار کو جیسے قوم باہرنکلی میں آپ کاشکریہ اداکرتاہوں، آپ سب نے مجھے اتنی عزت دی اس پر اللہ کا شکر ادا کرتا ہوں۔ عوام نے امپورٹڈ حکومت کونامنظور کردیا ہے۔
چیئرمین تحریک انصاف عمران خان کا مزید کہنا تھا کہ یہ1970کاپاکستان نہیں جب امریکانے بھٹو کو قتل کرایا تھا، امریکا نے اس قوم پر بڑے بڑے ڈاکووں کو مسلط کردیا ہے۔
Leave a reply
