Home›پاکستان›علی ظفر میشا شفیع ہتک عزت کیس: گواہ عفت عمرکی اپنے تحفظ کیلئےسیکیورٹی کی درخواست

علی ظفر میشا شفیع ہتک عزت کیس: گواہ عفت عمرکی اپنے تحفظ کیلئےسیکیورٹی کی درخواست

فروری 1, 2021

معروف گلوکار و اداکار علی ظفر کی اداکارہ میشا شفیع کے خلاف ہتک عزت کیس میں گواہ عفت عمر نے اپنے تحفظ کے لیے عدالت سے سیکیورٹی مانگ لی۔

باغی ٹی وی :اطلاعات کے مطابق لاہور کی سیشن عدالت میں گلوکار و اداکار علی ظفر کی میشا شفیع کے خلاف ہتک عزت کیس پر سماعت ہوئی دوران سماعت گواہ عفت عمر نے عدالت سے تخفظ کے لیے سکیورٹی مانگ لی۔

عفت عمر نے عدالت میں استدعا کی کہ گزشتہ سماعت کے دوران علی ظفر کے حامیوں نے نعرے بازی کی اور بیان واپس لینے کے دباؤ ڈالا تاہم عدالت مجھے تحفظ فراہم کرنے کا حکم دے۔

عفت عمر کی استدعا پر فاضل جج نے ریمارکس دیئے کہ اگر یہ واقعہ عدالت میں پیش آیا ہے تو پھر قانون کے مطابق دیکھیں گے اور اگر واقعہ کمرہ عدالت سے باہر ہوا ہے تو اندراج مقدمے کی درخواست سیشن کورٹ دائر کریں۔

واضح رہے کہ اس سے قبل میشاء شفیع کی گواہ عفت عمر کے بیان پر جاری جرح میں علی ظفر کے وکیل نے عفت عمر سے کافی سخت سوال کئے-عدالت میں علی ظفر کے کافی زیادہ فینز موجود تھے جنہوں نے عفت عمر کے عدالت سے باہر نکلنے پر علی ظفر کے حق میں نعرے بازی کی تھی-

ایک خاتون نے کہا تھا کہ اتنے زیادہ کیسز ہوتے ہیں پاکستان کے اندر ان کے بارے میں کوئی کچھ نہیں بولتا ایسے فیک کیسز ہوتے ہیں اس کو اتنی فوٹیج ملتی ہے اتنا فیم ملتا ہے ایسے کیوں ہے میں نے عفت عمر سے بھی اس کے متعلق سوال کیا لیکن انہوں نے آگے سے کہا کہ وہ اس پر بات نہیں کرنا چاہتی-

خاتون نے عفت عمر پر شدید تنقید کرتے ہوئے کہا تھا کہ ایسے لوگوں پر حیرت ہے جنہیں جواب کرنے کی تمیز نہیں انہیں بتانا چاہیئے تھا کہ وہ کس لئے آئی ہیں ان کا یہ مسئلہ تھا اور اس چیز کو سپورٹ کرنے آئی ہوں انہیں اگر کچھ پتہ ہی نہیں تووہ آئی کیوں ہیں-انہوں نے کہا کہ میشا شفیع کہتی ہیں نیوٹرل رہناچاہیئے فیمنیزم ہو نا چاہیئے اگر برابری چاہیئے تو پھر سزا بھی برابر کی ملنی چاہیئے-

انہوں نے مزید کہا تھا کہ میں کورٹ کی بہت عزت کرتی ہوں اگر کورٹ نے علی ظفر کو بے قصور ثابت کیا ہے تو میں ابھی اس بات کو فپل سپورٹ کرتی ہوں اور اگر میشا شفیع نہیں مانتیں ہیں تو سب کو پتہ ہونا چاہیئے کہ جھوٹا کون ہے کون نہیں کورٹ میں کیوں نہیں آ رہیں عفت عمر جیسے لوگوں کو بھیج رہی ہیں جنہیں کچھ پتہ ہی نہیں اور کورٹ میں آکر جھوٹ بول رہی ہیں –