انسپکٹر جنرل (آئی جی) پولیس اسلام آباد احسن یونس کو تبدیل ،نوٹیفکیشن بھی جاری کر دیا گیا ہے-
باغی ٹی وی : اسٹیبلشمنٹ ڈویژن کی جانب سے جاری اعلامیےمیں بتایا گیاہے کہ ڈاکٹر اکبر ناصر خان نئے آئی جی اسلام آباد ہوں گے ڈاکٹر اکبر ناصر خان نیکٹا میں تعینات تھے ایس ایس پی آپریشنز اسلام آباد پولیس محمد فیصل کو بھی تبدیل کر دیا گیا ہےپولیس سروس گریڈ 19 کے محمد فیصل کی خدمات پنجاب کے حوالے کر دی گئی ہیں۔
پولیس سروس گریڈ 20 کےاحسن یونس کی خدمات پنجاب کے حوالے کر دی گئی ہیں جبکہ گریڈ 19 کے افسران سہیل ظفر چٹھہ اور یاسر آفریدی کی خدمات بھی وفاق کے سپرد کر دی گئی ہیں پولیس سروس گریڈ 19 کے یاسر آفریدی کی خدمات خیبر پختونخوا سے اسلام آباد پولیس کے سپرد کر دی گئی ہیں جبکہ سہیل ظفر چٹھہ کی خدمات اسٹیبلشمنٹ ڈویژن سے اسلام آباد پولیس کے سپرد کر دی گئی ہیں-
واضح رہے کہ دسمبر 2021 میں قاضی جمیل الرحمان کو ان کے عہدے سے ہٹا کر احسن یونس کو آئی جی اسلام آباد تعینات کیا گیا تھا۔
