وزیراعظم کی زیر صدارت اعلیٰ‌ سطحی اجلاس، آرمی چیف، وزیر داخلہ سمیت دیگر ذمہ داران کی شرکت

وزیراعظم عمران خان کی زیرصدارت انسداد سمگلنگ کیلئےاعلیٰ سطحی اجلاس جاری ہے جس میں‌ وزیرداخلہ اعجازشاہ، مشیرخزانہ ڈاکٹر عبدالحفیظ شیخ شریک ہیں.

باغی ٹی وی کی رپورٹ‌ کے مطابق اجلاس میں مشیرتجارت عبدالرزاق داؤد، فردوس عاشق اعوان بھی شریک ہیں جبکہ اسی طرح آرمی چیف جنرل قمرجاوید باجوہ اورڈی جی آئی ایس آئی بھی اجلاس میں شریک ہیں. سیکرٹری داخلہ میجر(ر)اعظم سلیمان،سیکرٹری کامرس احمد نوازسکھیر، چیئرمین ایف بی آر شبر زیدی، چیف سیکرٹری خیبرپختونخوابھی شریک ہیں.

اجلاس میں اسمگلنگ سےملکی معیشت کو درپیش مسائل اور ملکی صنعت کو پہنچنے والے نقصانات پر بریفنگ دی گئی. اس موقع پروزیر اعظم عمران خان نے گفتگو کرتے ہوئے کہاکہ اسمگلنگ کے ناسور پر موثر طریقے سے قابو پایا جائے.