fbpx

یوم دفاع: پاک فوج نے دفاعی محاذ پر پاکستان کو ناقابل تسخیر بنا دیا سید مصطفیٰ کمال

پاک سرزمین پارٹی کے چیئرمین سید مصطفیٰ کمال نے یوم دفاع کے موقع پر اپنا پیغام جاری کیا ہے-

باغی ٹی وی : تفصیلات کے مطابق سید مصطفیٰ کمال نے کہا کہ یوم دفاع پاکستان ثبوت ہے کہ پاکستان کا بچہ بچہ وقت پڑنے پر ملکی سلامتی کی خاطر پاک فوج کے شانہ بشانہ کھڑا ہوکر ملک و قوم کی حفاظت کے لیے اپنے خون کا آخری قطرہ تک قربان کرنے کو تیار ہے، یہی جذبہ ایمانی افواج پاکستان اور پاکستانی قوم کو دنیا میں دیگر افواج اور قوموں سے ممتاز بناتا ہے۔

یوم دفاع 6 ستمبر: شہید کی جو موت ہے وہ قوم کی حیات ہے

انہوں نے کہا کہ 6 ستمبر کے روز پاک افواج اور قوم نے ملکر ملکِ خداداد کی جانب میلی نظر اٹھانے والے دشمنوں کے ناپاک عزائم خاک میں ملا دیا۔ وسائل کی کمی اور عددی کمزوری کے باوجود پاک فوج اور عوام نے جذبہ ایمانی کے ساتھ اپنے سے کئی گنا بڑے دشمن کو شکست دے کر تاریخ رقم کر دی۔

سید مصطفیٰ کمال نے کہا کہ یوم دفاع کے موقع پر پاکستان ہاؤس سے جاری بیان میں سید مصطفیٰ کمال نے مزید کہا کہ ہم افواج پاکستان کے شہداء کو خراج عقیدت پیش کرتے ہیں۔ پاک فوج نے دفاعی محاذ پر پاکستان کو ناقابل تسخیر بنا دیا ہے۔ افواج پاکستان کی بے تحاشہ جوانوں نے اپنی زندگیوں کی قربانی دے کر اس وطن عزیز کی حفاظت کی ہے۔ اس لیے پوری قوم کو پاکستان کی تعمیر و ترقی میں اپنا بھرپور کردار ادا کرتے ہوئے اپنے ملک کے شہداء کے خون کا احترام کرنا ہے۔

Facebook Notice for EU! You need to login to view and post FB Comments!