شیریں مزاری کا بیان لاقانونیت کی انتہا، کاروائی کیلئے ایف آئی اے کو بھیج دیا وزیر داخلہ راناثنااللہ
وزیر داخلہ رانا ثناء اللہ خاں کا بیان سامنے آیا ہے جس میں انہوں نے کہا کہ ڈاکٹر شیریں مزاری کا بیان قابل مذمت اور لاقانونیت کی انتہا ہے جبکہ شیریں مزاری کے ٹویٹ پر قانونی کارروائی کریں گے اور شیریں مزاری کا بیان قانونی کارروائی کے لئے ایف آئی اے کو بھجوا دیا گیا ہ. ان کا مزید کہنا تھا کہ پولیس افسران کے خلاف جھوٹ بول کر عوام کو اکسانا جرم ہے اور سوشل میڈیا پر پولیس سمیت اداروں کے خلاف پراپیگنڈہ، جھوٹ، جعلی وڈیوز پر آپریشن کلین اپ کریں گے. ان کا یہ بھی کہنا تھا کہ فرض شناس افسران اور پولیس کے خلاف دہشت پھیلانا اور عوام کو بھڑکانا جرم ہیں اور اس جرم میں ملوث عناصر کے خلاف کارروائی کی ہدایت کر دی ہے جبکہ فارن ایجنٹ ریاست کے خلاف کھل کر سامنے آچکے ہیں، انجام کو پہنچائیں گے.
خیال رہے کہ اس سے قبل وفاقی وزیر داخلہ رانا ثنا اللہ نے کہا ہے کہ ہماری کوشش ہے کہ پورے ملک میں ایک ہی بار قومی اور صوبائی اسمبلی کے انتخابات ہوں مگر جو سپریم کورٹ اور الیکشن کمیشن کا فیصلہ ہوگا اُس پر عمل کریں گے۔ عمران خان کے الزامات اور جوڈیشل کمپلیکس میں پیش آنے والے واقعات پر پریس کانفرنس کرتے ہوئے وزیر داخلہ نے کہا کہ عمران خان نے مسلح جتھوں کے ساتھ مل کر جوڈیشل کمپلیکس پر حملہ کیا، اس طرح سے عدالت جانا غنڈہ گردی ہے۔
رانا ثنا اللہ نے کہا کہ اگر یہی روایت برقرار رہی تو آئندہ کوئی بھی شخص مسلح جتھوں کے ساتھ عدالت جاکر دباؤ ڈالے گا اور قانون کو روند دے گا۔ وزیر داخلہ کا کہنا تھا کہ عمران خان کو عدالت کے باہر ہی حاضری لگوانی تھی تو یہ کام کینال روڈ یا ٹول پلازہ بھی ہوسکتا تھا۔ اگر عمران خان کو عدالت کے باہر ہی حاضری لگوانی تھی تو ٹول پلازہ یا کینال روڈ پر ہی یہ کام کرلیتے۔
انہوں نے کہا کہ عمران خان مسلسل جھوٹ بول کرقوم کوگمراہ کرنےکی کوشش کررہاہے، عمران خان نے سیاست میں گالم گلوچ اوربدتہذیبی کےکلچرکوفروغ دیا اور سیاسی مخالفین پرالزام تراشی کےسواکچھ نہیں کیا۔ وزیرداخلہ کا کہنا تھاکہ مریم نواز نےعمران خان کی فتنہ فساد کی نام نہاد سیاست کو بے نقاب کیا اور وہ آئندہ بھی پی ٹی آئی کے مکروہ چہرے کو بے نقاب کرتی رہیں گی، ہمیں معلوم ہے کہ مریم نواز آپ کو کتنی تکلیف پہنچا رہی ہیں۔ ن لیگی رہنما نے کہا کہ عمران خان کے بیانات اس کےدل میں بغض کا نتیجہ ہیں، اب وہ یہ بھی بتائے کہ خزانےکو جو 50 ارب کا ٹیکا لگایا وہ کہاں ہیں، اپنی فرنٹ پرسن فرح گوگی کا بتائیں کہ وہ کہاں ہیں۔ وزیر داخلہ نے کہا کہ ’اس شخص کولوٹ مار کا حساب دینا ہوگا، آج نہیں تو کل اسے تمام چیزوں اور قومی خزانے کو نقصان پہنچانے کا حساب دینا ہوگا۔
مزید یہ بھی پڑھیں؛
عمران خان کہتے تھےعدالت جاؤں گا تو قتل ہوجاؤں گا اب کل پیش ہوئے تو کیا قتل ہوگئے؟ مریم اورنگزیب
ایکواڈوراورپیرو میں زلزلہ،15 افراد ہلاک اور 125 سے زائد زخمی،بلوچستان میں بھی زلزلے کے جھٹکے
جوڈیشل کمپلیکس سانحہ: امجد نیازی سمیت تمام ملزمان کو جوڈیشل ریمانڈ پر اڈیالہ جیل بھیجنےکا حکم
ٹیم غازی نے نیشنل برج فیڈریشن آف ایشیاء اینڈ مڈل ایسٹ چیمپئن شپ میں کوالیفائی کرلیا
پاکستان اور کرغزستان علاقائی اقتصادی انضمام میں کلیدی کردار ادا کر سکتے. مہر کاشف
گردوں کے مریضوں کے لیے ڈائیلیسز کی لاگت میں 40 فیصد اضافہ
انہوں نے کہا کہ پولیس نے رہائشی حصے کی تلاشی نہیں لی جبکہ وارنٹ تھے، اگر پولیس وہاں جاتی تو بہت زیادہ ممنوعہ اشیا مل سکتی تھیں۔ رانا ثنا اللہ نے کہا کہ ملک میں غیر آئینی انتخابات ہونے جارہے ہیں کیونکہ نگراں سیٹ اپ صوبائی اور قومی اسمبلی کے انتخابات کروانے کا پابند ہے، پنجاب اور خیبرپختونخوا کے انتخابی نتائج کو کوئی تسلیم نہیں کرے گا اور پھر اس سے ملک میں غیر یقینی صورت حال بڑھے گی جو آپ کی خواہش ہے، ہماری خواہش ہے کہ پورے ملک میں ایک ساتھ انتخابات ہوں مگر جب بھی الیکشن ہوئے تو قوم آپ کو ووٹ کی طاقت سے ہی مسترد کرے گی۔
