موسمیاتی تبدیلی وزیراعظم عمران خان نے وہ کام کردکھایا کہ امریکہ دیکھتارہ گیا ،کپتان نے حساب چکا دیا

اسلام آباد :موسمیاتی تبدیلی وزیراعظم عمران خان نے وہ کام کردکھایا کہ امریکہ دیکھتارہ گیا ،کپتان نے حساب چکا دیا:وزیراعظم عمران خان نے موسمیاتی تبدیلی سے متعلق ایسا کام کردیا ہے کہ امریکہ کی ساری شرارتیں اورسازشیں‌ دم توڑگئیں ،کپتان نے امریکہ کی طرف سے پاکستان کو عالمی کانفرنس میں‌ مدعونہ کرنے کا حساب چکا کرقوم کا سرفخر سے بلند کردیا ہے ،

اس حوالے سے وزیراعظم عمران خان نے ایک ایسا خط اورایسی شخصیت کے نام لکھا ہے کہ جس کا امریکہ بھی مرہون منت ہے، یہ شخص جسے دنیا بل گیٹس کے نام سےجانتی ہے، بل گیٹس کو اپنے خط میں کہا ہے کہ آئیں مل کر دنیا کو موسمیاتی تبدیلی کے خطرات سے بچائیں، پاکستان کاربن کی کمی کیلئےتوانائی کے متبادل منصوبے شروع کررہا ہے، بلین ٹری سونامی، نیشنل پارکس، کلین گرین کے پروگرام جاری ہیں، پوری دنیا کو موسمیاتی خطرات کیخلاف ہنگامی اقدامات کرنا ہوں گے۔
تفصیلات کے مطابق وزیراعظم عمران خان کی موسمیاتی تبدیلیوں سے متعلق عالمی رہنماؤں سے خط وخطابت جاری ہے، وزیراعظم عمران خان نے سعودی ولی عہد کے بعد بل گیٹس کو بھی خط لکھا، عمران خان نےموسمیاتی تبدیلیوں کے خطرات پر کتاب لکھنے پر بل گیٹس کو خراج تحسین پیش کیا۔وزیراعظم عمران خان نے خط میں عزم دہرایا کہ آئیں مل کر دنیا کو موسمیاتی تبدیلی کے خطرات سے بچائیں۔

وزیراعظم عمران خان نے بل گیٹس کو خط لکھتے ہوئے کہا ہےکہ دنیا جانتی ہے کہ پاکستان ان ممالک میں ہے جہاں موسمیاتی تبدیلی کے خطرات زیادہ ہیں۔ پاکستان بھی موسمی خطرات سے نمٹنے اور بچاو کیلئے اقدامات کررہا ہے۔

بل گیٹس کولکھے گئے خط کے متن میں کہا گیا کہ پاکستان کاربن کی کمی کیلئے متبادل توانائی کے منصوبے شروع کررہا ہے۔ بلین ٹری سونامی، نیشنل پارکس، کلین گرین کے پروگرام جاری ہیں۔ پاکستان نے لاتعداد گرین جابز دیں، 10 لاکھ ایکڑ جنگلات کو محفوظ بنایا۔

یاد رہے کہ اس سے پہلے وزیراعظم عمران خان نے سعودی ولی عہد محمد بن سلمان کو بھی خط لکھا تھا جس میں پاکستان میں موسمیاتی تبدیلیوں‌کے اثرات اورپھرپاکستان کی طرف سےبہترین حکمت عملی اپنانے کا ذکر کیا تھا ،

یہ بھی معلوم ہواہے کہ وزیراعظم اگلے چند دنوں تک دنیا کی دیگراہم شخصیات کو خط لکھ کرموسمیاتی تبدیلیوں‌کے اثرات اورخطرات سےآگاہ کریں گے

یاد رہے کہ امریکہ نے موسمیاتی تبدیلیوں کے حوالے سے ایک عالمی کانفرنس کا انعقاد کیا ہے جس میں پاکستان کوجان بوجھ کرمدعو نہیں کیا گیا تاکہ پاکستان کوامریکی کی دوری کااحساس ہولیکن عمران خان نے امریکی سازشوں کو جوتے کی نوک پرمارتےہوئے موسمیاتی تبدیلیوں کے حوالےسے بڑا کام کردکھایا ہے