عمران نیازی تقریروں کے چکر میں کشمیریوں کو بیوقوف بنانے کا سلسلہ بند کریں،عظمیٰ بخاری

عمران نیازی تقریروں کے چکر میں کشمیریوں کو بیوقوف بنانے کا سلسلہ بند کریں،عظمیٰ بخاری

باغی ٹی وی کی رپورٹ کے مطابق مسلم لیگ ن کی رہنما عظمیٰ بخاری نے فیاض چوہان کے بیان پر ردعمل دیتے ہوئے کہا ہے کہ کشمیر فروش عمران نیازی نے کل اقوام متحدہ میں ایک مرتبہ پھر مگر مچھ کے آنسو بہائے

عظمیٰ بخاری کا کہنا تھا کہ کل شیخ چلی نے پھر تقریر سے کشمیر آزاد کروادیا،ان تقریروں سے کشمیریوں کے زخم نہیں بھر سکتے، کشمیریوں کا وکیل بننے کا دعویدار کلبھوشن کا وکیل بن گیا ہے،نوازشریف کے دور حکومت میں ہی کلبھوشن یادیو گرفتار ہوا،کشمیر کمیٹی کے چیئر مین علی امین گنڈاپور نے تو کلبھوشن کی پاکستان میں موجودگی سے ہی لاعلمی کا اظہار کردیا ہے،چوہان صاحب تقریریں کرنے سے کشمیر آزاد نہیں ہوگا

عظمیٰ بخاری کا مزید کہنا تھا کہ نوازشریف کی دعوت پر واجپائی لاہور آئے اور اعلان لاہور کے معاہدے پر دستخط کیے،واجپائی نے نوازشریف کے مطالبے پر ہی مسئلہ کشمیر کو فوری بات چیت سے حل کرنے پر رضامندی ظاہر کی،چوہان صاحب یہ تھی نوازشریف کی سفارتی کامیابیاں، ڈکٹیٹر مشرف نے مسئلہ کشمیر کو سبوتاژ کرنے کے لئے ہی کارگل آپریشن کا ڈرامہ رچایا،چوہان صاحب اس وقت آپ کے لیڈر عمران نیازی مشرف کی گود میں بیٹھے تھے

عظمیٰ بخاری کا مزید کہنا تھا کہ چوہان صاحب مودی خود چل کر نوازشریف کو ملنے آتا اور آپ کا وزیراعظم مودی کو مس کال مارتا ہے اور وہ فون نہیں اٹھاتا،چوہان صاحب یہ ہے آپ کے وزیراعظم کی ناکام سفارتکاری کا نتیجہ ،عمران نیازی تقریروں کے چکر میں کشمیریوں کو بیوقوف بنانے کا سلسلہ بند کریں،ہمیں تو عمران نیازی کے ہوتے ہوئے آزاد کشمیر اور گلگت کے حوالے سے بھی تحفظات ہیں،اس نالائق شخص نے پوری ریاست کی خود مختاری ہی داﺅ پر لگادی ہے