ایک دو دن میں نئے آرمی چیف کا نام سامنے آجائے گا، وزیرداخلہ رانا ثنااللہ

0
24

اسلام آباد:وزیرداخلہ رانا ثنااللہ کا کہنا ہے کہ ایک دو دن میں نئے آرمی چیف کا نام سامنے آجائے گا۔ تعیناتی پراس سے زیادہ تاخیر شاید مناسب نہیں ہوگا۔

آرمی چیف کی تعیناتی کب ہوگی؟ نجی ٹی وی سے گفتگو میں وزیر داخلہ رانا ثنا سے سوال ہوا تو رانا ثنااللہ نے جواب دیا کہ ایک دو دن کا معاملہ رہ گیا ہے اور نئے آرمی چیف کا نام پیپر پر آجائے گا۔

وزیرداخلہ نے کہا کہ ان کے تجربے کے مطابق حساس نوعیت کے فیصلے سے قبل اتفاق رائے ہوتا ہے۔ اہم تعیناتی پر اختیار وزیراعظم کا ہے، اس پر اتفاق رائے ہے۔انہوں نے کہا کہ مشاورت سے مراد کسی کو اختیار نہیں ہوتا۔ وزیراعظم کسی سے بھی پوچھ سکتے ہیں، بالآخر فیصلہ انھوں نے کرنا ہوتا ہے۔

وزیرداخلہ نے تحریک انصاف کے رہنماؤں پرویز خٹک، شاہ محمود قریشی اور فواد چوہدری سے رابطوں کی تصدیق کرتے ہوئے ان رہنماؤں کو سیاسی فہم رکھنے والے رہنما قرار دیا ہے تاہم عمران خان سے متعلق کہا کہ انھیں اپنی اور کسی دوسرے کی عزت کا کوئی خیال نہیں ہے۔

خیال رہے کہ وزیرخزانہ اسحاق ڈار نے جہاں آرمی چیف کی تقرری سے متعلق اہم ملاقاتیں کی ہیں وہیں وہ صدر مملکت ڈاکٹر عارف علوی سے بھی ملے ہیں۔

اسحاق ڈار نے عارف علوی کے ساتھ ملاقات میں ملک کے اہم ادارے کے سربراہ کی تقرری سمیت دیگر امور پر مشاورت کی۔ ذرائع کے مطابق صدر نے کسی بھی سمری کی راہ میں رکاوٹ نہ بننے کی یقین دہانی کروا دی۔

فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

چائلڈ پورنوگرافی ویڈیوز سوشل میڈیا پر پھیلانے کا کیس، سپریم کورٹ کا بڑا فیصلہ

چائلڈ پورنوگرافی میں‌ ملوث ملزم گرفتار،کتنی اخلاق باختہ ویڈیوز شیطان صفت کے پاس برآمد ہوئیں

لڑکی کو نازیبا ،فحش تصاویر بھیجنے والا ملزم گرفتار

Leave a reply