بھارت پاکستان سے آزادکشمیر نہیں چھین سکتا،بھارت اپنی فکرکرے: بھارتی دفاعی ماہر

0
75

چندی گڑھ:بھارت پاکستان سے آزادکشمیر نہیں چھین سکتا،بھارت اپنی فکرکرے،اطلاعات کے مطابق بھارت کے دفاعی امور کے ماہر معروف رضا نے کہاکہ بھارت کبھی پاکستان سے آزادکشمیر نہیں چھین سکتا۔

معروف رضا نے چندی گڑھ میں منعقدہ ملٹری لٹریچر فیسٹول کے ایک سیشن میں کہاکہ اگر ہم یہ دعوی کریں کہ ہم آزادکشمیر کو پاکستان سے واپس لے سکتے ہیں تو یہ جھوٹ ہے۔

ساؤتھ ایشین وائرکے مطابق رضا معروف نے یہ بات ایک سیشن کے دوران اپنی اور ٹی وی پروڈوسراقبال چند ملہوترا کی کتاب ”کشمیر ان ٹولڈ سٹوری: ڈی کلاسیفائیڈ’پرریٹائرڈ میجر جنرل جگت بیر سنگھ، ہندوستان ٹائمز کے ایگزیکٹو ایڈیٹر رمیش ونایک اورریٹائرڈ بریگیڈئر پردیپ شرما سے گفتگو کرتے ہوئے کہی۔ مباحثے کا موضوع پاکستان اورچین جیسے بیرونی اورکشمیر میں عوامی احتجاج جیسے اندرونی عوامل ساتھ جموں وکشمیر کا مستقبل تھا۔

معروف دفاعی ماہرمعروف رضا کہاکہ اگربھارتی حکومت کشمیرکے اندر مسئلہ حل کرے گی توکشمیر کا کوئی مسئلہ نہیں ہوگا۔ ساؤتھ ایشین وائرکے مطابق رمیش ونایک نے کہاکشمیر میں سیاسی سرگرمیوں کی اجازت دینے کی ضرورت ہے۔میجر جنرل جگت بیر سنگھ نے بھی کشمیر کی تزویراتی حیثیت اور چین ، افغانستان اور پاکستان کے ساتھ اس کے تعلقات پر اپنے خیالات کا اظہار کیا۔

Leave a reply