بھارت بھی فلسطینیوں کے قتل عام میں ملوث،ثبوت مل گئے

فلسطینی مسلمانوں کے قتل عام میں بھارت بھی برابر کا شریک، بھارت اسرائیل کو اسلحہ بھیج رہا ہے جو فلسطینی شہریوں‌کے قتل عام میں استعمال ہو رہا ہے، یہ انکشاف اس وقت ہوا جب ایک جہاز کو روکا گیا جو اسرائیل جا رہا تھا اور اس میں بھارتی اسلحہ تھا

اسرائیل جہانے والے جہاز کو اسپین نے اپنی بندر گاہ پر لنگر انداز ہونے کی اجازت نہیں دی، بحری جہاز میں تقریبا 27 ٹن دھماکہ خیز مواد تھا جو بھارت اسرائیل بھیج رہا تھا،جہاز نے اسپین میں لنگر انداز ہونے کی کوشش کی تا ہم اسپین نے انکار کر دیا،ہسپانوی وزیر ٹرانسپورٹ کا کہنا ہے کہ جس جہاز میں بھارتی دھماکہ خیز مواد اسرائیل لے جایا جا رہا تھا اس پر ڈنمارک کا جھنڈا لگا ہوا ہے، جہاز بھارت کے چنئی سے اسرائیل کی بندرگاہ حیفہ جا رہا ہے

ہسپانوی وزیر خارجہ جوز مینوئل کے مطابق اسپین اسرائیل کے لیے ہتھیاروں سے لدے بحری جہازوں کو اپنی بندرگاہوں پر بلانے کی اجازت نہیں دے گا،اسپین کا اقدام جنگ میں حصہ نہ بننے کیلئے اسرائیل کو ہتھیار برآمد نہ کرنے کے لائسنس نہ دینے کے سرکاری فیصلے کے مطابق ہے،مشرق وسطیٰ کو مزید ہتھیاروں کی ضرورت نہیں، امن کی ضرورت ہے۔

ایک سال میں 16 خواتین قتل،کاروکاری کے پانچ،گمشدگی کے سات کیس رپورٹ

راہ چلتی طالبات کو ہراساں اور آوازیں کسنے والا اوباش گرفتار