بسوں کوبھارتی پولیس خود جلاکرالزام مسلمانوں پرلگا رہی ہے، دہلی کے نائب وزیراعلیٰ کا انکشاف

0
39

نئی دہلی :بسوں کوبھارتی پولیس خود چلاکرالزام مسلمانوں کو دے رہی ہے ، دہلی کے نائب وزیراعلیٰ کا انکشاف، اطلاعات کےمطابق دہلی کے نائب وزیر اعلی منیش سسودیا نے الزام لگاتے ہوئے کہا کہ بی جے پی نے مظاہرے کے دوران بسوں کو آگ لگانے کے لئے دہلی پولیس کا استعمال کیا۔

دہلی کے نائب وزیر اعلی منیش سسودیا نے بھارتیہ جنتا پارٹی پر الزام عائد کیا ہے کہ وہ شہریت ترمیم ایکٹ کے خلاف جنوبی دہلی میں جاری احتجاج کی آڑ میں بسوں کو نذر آتش کرکے پرتشدد بنا رہي ہے شہریت ترمیم ايکٹ کے خلاف جامعہ ملیہ اسلامیہ کے طلبا کا احتجاجی مارچ کے بعد ایسی صورت حال پیدا ہوگئی کہ احتجاج نے تشدد کی شکل اختیار کرلی۔

اس دوران کئی بسوں کو نذرآتش کردیا گیاجس کا الزام مظاہرین پر عائد کيا گيا ہے جبکہ وزیر اعلی منیش سسودیا نے ایک تصویئر شیئر کرتے ہوئے دعوی کیا ہے کہ یہ آگ احتجاجیوں نے نہیں بلکہ دہلی پولیس نے لگائی ہے۔ نائب وزیر اعلی نے ہندی میں ایک ٹویٹ میں کہا کہ شہریت ترمیمی ایکٹ کے خلاف احتجاج کے دوران پائے جانے والے تشدد کی غیر جانبدارانہ تحقیقات بھي کي جاني چاہئے۔

Leave a reply