fbpx

ان شا اللہ : اپنےنظریات سے جُڑے رہیں گے،یہ ملک سلامت رہے گا:سینیٹر اعجاز چوہدری

لاہور:ان شا اللہ : اپنےنظریات سے جُڑے رہیں گے،یہ ملک سلامت رہے گا،اطلاعات کے مطابق تحریک انصاف کے رہنما سینیٹر اعجاز چوہدری نے یوم دفاع کی تقریب سے خطاب کرتےہوئے کہا ہےکہ جب تک ہم اپنے نظریات پرقائم رہیں گے ہمیں کوئی نقصان نہیں پہنچا سکے گا

سینیٹر اعجاز چوہدری نے کہا ہے کہ سنٹرل پنجاب کے الیکشن سیل نے کچھ چیزیں ترتیب دی ہیں اور ہمارے نمائندے تک عمران خان کا پیغام پہنچ چکا ہے ،اس کی تشہیر جہاں مناسب سمجھیں کریں

ان کا کہنا تھا کہ کوٹھیوں کے ووٹر تک عمران خان کا پیغام ضرور پہنچائیں، بنیادی طور پر یہ حلقہ عمران خان کا ہے ، اپنا پیغام پہنچانے کے لیے لوگوں سے ملنا ضروری ہے

اعجاز چوہدری کہتےہیں کہ میں پاکستان صرف سترہ برس کا تھا جب 1965 کی جنگ ہوئی،اس وقت جب کرفیو لگتے تھے اور بلیک آؤٹ ہوتا تھا،روشنیاں گل کر دی جاتی تھیں

جب حملہ ہوتا تھا سائرن بجتے تھے ،ہندو نے پاکستان کو آج تک دل سے تسلیم نہین کیا،اگر کسی کو کوئی شک تھا وہ نریندر مودی نے ختم کر دیا،

اعجاز چوہدری نے اس موقع پر کہا کہ دنیا میں دو ہی نظریاتی ریاستیں ہیں ،ایک پاکستان اور دوسرا اسرائیل،اپنے نظریات سے جڑے رہیں گے تو یہ ملک قائم رہے گا

منہ سے اد کرنا کہ جان کی قربانی دی آسان ہے ،سمجھتے وہی لوگ ہیں جنہوں نے قربانی دی ہے،ہندووں نے بنگلہ دیش کی صورت میں ہمارے سینے میں خنجر مارا ہے جو قوم اپنے دشمن کو بھول جاتی ہو وہ تباہ ہو جاتی ہےکئی لوگوں کو پاک فوج بڑی بری لگتی ہے ،وہ لوگ اپنی ہتھیلیوں پر جان لیے پھرتے ہیں

سینیٹر اعجاز چوہدری نے کہا کہ سیاست کرتے ہوئے لوگوں کا ہاضمہ خراب ہو جاتا ہے ،مارشل لاء کے جرنیل کو جو مرضی کہیں لیکن پاک فوج کو ہمیشہ اچھی نظر سے دیکھیں،اس ملک کو متحد رکھنے میں فوج کا بنیادی کردار ہے ،پاکستان میں سینکڑوں ادارے ہیں ،دنیا کی ریٹنگ میں سو کے بعد اتے ہیں،لیکن پاک فوج پہلے دس نمبروں میں آتی ہے

نوازشریف کی وطن دشمنی پر بات کرتے ہوئے اعجاز چوہدری نے کہا کہ وہ جھوٹا باہر بیٹھ کر پاک فوج کے بارے باتیں کرتا ہے ،مجھے اس کا نام لیتے شرم آتی ہے
قوم کو دھوکہ دے کر باہر گیا وہ پاکستان بنانے کی جدوجہد میں صرف مسلمان نہیں ہماری اقلیتیں بھی شامل ہیں